Psalm Late 52
52
Pathian Thukhenna le Thuthiamna
1Milian pa awng banghangin na siatna kiphatsak pui ni ziam?
Pathian thumaanna sia a tawntungin kip hi.
2Ngualdangte lal natu in na ngeal uh hi;
na leei sia mulnam hiam khat taw kibang a,
leilot thu na phuaktawm tawntung uh hi.
3Siatna sia phatna sangin na lamnai zaw uh a,
thumaan sangin a maan ngawl thu na deizaw uh hi.
4Nang a leilot thei sia awng,
na kammalte taw mite natsak tu na lamnai hi.
5Tua ahikom Pathian in nang sia
hong lalcipsak top tu hi;
ama in nang hong man tu a, na inn panin hong tua tu hi;
a nungtate omna leitung panin nang hong khiin tu hi.
6A thutangte in hisia mu tu a,
amate lauthawng tu uh hi;
tuaciang amate in nang hong nuisan tu a,
7“En vun, ngammuan natu
Pathian a suang ngawl, hi sungah mihing khat om a,
ama in a nei a lamh tampite suang a,
seksol ngamtatna taw ngammuanna zon a sawm zaw hi,” hong ci tu uh hi.
8Ahihang kei ka hile
Pathian inn sungah a po olive thingkung bang ka hi hi;
ama ii hong itna kip sia
a tawntung, a tawntungin ka muang hi.
9Pathian awng, na sepsa nate hu in lungdam kong ko tawntung tu hi;
na mite omna munah
nang sia a pha na hi hunlam ka thangsak tu hi. #1 Sa 22:9-10
Currently Selected:
Psalm Late 52: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
