Psalm Late 26
26
Mihing pha Khat ii Thungetna
1 Topa awng, maw ngawl hi hong ci ta'n,
banghang ziam cile a maan in ka seam a,
nang muan citakin hong muang khi hi.
2 Topa awng, hong veal ta'n a, hong sittel ta'n,
ka deinate le ka khua ngaisutnate thu hong khen ta'n.
3Nong itna kip in kei lam hong lak a,
na thumaanna in a tawntungin lam hong pui hi.
4A mannung ngawlte taw ka kithawl bua a,
a kihitheamsakte bangma in ka sim bua hi.
5Mihing ngilote ii hong pawlpuina ka ngaimaw a,
a seksolte ka pial hi.
6 Topa awng, mawbaang ngawl ka hi hunlam
ka khut silin kong lak a,
na biaknatau kiim ah pai in kong bia hi.
7Lungdamkona la kong sak a,
a lamdang na nasepna theampo ka son hi.
8 Topa awng, na minthanna a omna mun, na teenna inn ka it hi.
9Mawneite taw hong susia khawm heak in a,
ngual suamlumte thuak tute panin hong tongsak ta'n,
10ngitlona a vawt tawntungte le
sumnguk a ne nuam tawntungte ii thuak tute hong thuaksak heak in.
11Kei ka hi le a maanin ka seam hi.
Kei hong hesuak ta'n a, hong hun ta'n.
12Launa theampo panin ka ngammuang a,
ama mihingte ii kikhopna sungah Topa ka pok hi.
Currently Selected:
Psalm Late 26: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
