Psalm Late 24
24
A lian Kumpipa
1Simleitung le a sungah
a om theampo sia
Topa neisa ahi hi;
leitung le a tungah a teang
theampo sia ama aa ahi hi. #1 Cor 10:26
2Ama in tuipi taw ah, inn tawdap pha a,
leinuai tuithukpite tungah sa hi.
3 Topa ii mual tungah
pai thei natu akua in thu nei ziam?
Ama ii a thiangtho Biakinnpi sungah akua tum thei tu ziam?
4Ngaisutna le ngamtatna a thiangthote, milim a bia ngawlte
tua ahibuale a maan ngawl kamciam a vawt ngawlte pai thei tu hi. #Mt 5:8
5Tuabangte sia Topa in thupha pia in hun tu hi;
Pathian in amate sia maw ngawl hi ci tu hi.
6Pathian kungah hong pai,
Jacob ii Pathian kung
a zuan tu te sia tuabang mite ahi hi.
7Kongpite hongkeak vun a,
taangh kongkhate hong tavun,
minthang kumpipa hong tum tu hi.
8Minthang kumpipa sia akua ziam?
Ama sia Topa hi a,
a thahat le a thakho, ngal a zo Topa hi.
9Kongpite hongkeak vun a,
taangh kongkhate hong tavun,
minthang kumpipa hong tum tu hi.
10Minthang kumpipa sia akua ziam?
Zawna mualsua Topa — ama sia minthang kumpipa ahi hi.
Currently Selected:
Psalm Late 24: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
