Psalm Late 23
23
Topa Tuu bangin Eite Hong Cingpa
1 Topa in tuu bangin
kei hong cing pa “Jehovah Ra-ah” ahi hi;
bangma ka kitaangsamh bua hi.
2Ama in lo hingna sungah hong lumsak a,
tuithiang cingna munah hong paipui hi.#Tpl 7:17
3Ama in thahatna thak
hong pia hi.
Ama hong kamciamsa bangin
lampi maan tawn tu in lam hong pui hi.
4Thina luamkuam khuazing thuk belna sung keak
kaantanin ka tawn zongin ka lau buatu hi,
banghang ziam cile, Topa awng,
nangma in kei taw nong omkhawm a,
na tuucinna molpum le na ciangkhut in kei hong dal hi.
5Ka ngalte mu tangin an neakna poai nong vawtsak hi.
Leangna pipa bangin
nong muak a, ka lu sathau nong thiisak hi;
ka hai a dim letin nong buh hi.
6Ka khan tawntungin na phatna le na itna in kei hong ompui tu a,
na inn sungah a tawntungin ka teang tu hi.
Currently Selected:
Psalm Late 23: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
