Psalm Late 114
114
Paisan Poai La khat
1Israel te in Egypt ngam pan pusuak a,
Jacob suante in tua ngamdang sia a nusiat ciang, #Pu 12:51
2Judah sia Topa ii minam thiangtho suak a,
Israel te sia ama ii neisa suak hi.
3San Tuipi in en a, taisan hi;
Jordan Ngun a luan tawlnga hi. #Pu 14:21; Jos 3:16
4Mualpite sia keal bangin leang valet uh hi;
mualnote sia tuunote bangin kilawn kawkoai hi.
5Tuipi awng, nang tuabangin na taikeak natu bang thu piang ziam?
Tuaciang, Jordan awng, banghangin na luan tawlnga ni ziam?
6No, mualpite awng, banghangin kealte bangin leang valet nu ziam?
No, mualnote awng, banghang tuunote bangin kilawn kawkoai nu ziam?
7 Topa hong pai ciang,
Jacob ii Pathian mai ah leitung awng, liing in;
8suangpite sia tuicingte,
suangliang kipte sia ciktui luangte in a kheal sia ama ahi hi. #Pu 17:1-7; Mi 20:2-13
Currently Selected:
Psalm Late 114: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
