Psalm Late 113
113
Topa Phatna Pokna
1 Topa pok vun!
Topa naseamte awng,
ama min pok vun!
2Tu le a tawntungin ama min kipok tahen.
3Nisuana pan nitumna ah Topa min pok vun!
4 Topa in minam theampo uk hi;
Ama ii minthanna sia vantungte sangin saang zaw hi.
5 Topa ih Pathian taw a kibang
kuama dang om ngawl hi.
Ama sia tungsang a saangna ah teang a,
6ahihang ama in vantungte le
leitung en tu in kunsuk hi.
7Ama in leivui sung panin mizawngte phongto hi;
a kitasamhte a lungmanna panin laamto hi, #1 Sa 2:8
8tuaciang a mite ii kumpipa tapate ahi,
kumpipa tapate taw kithawlsak hi.
9Ama in tasel nupi sia a inn sungah patoai a;
ama in tanu tapa piakna taw ama lungdamsak hi.
Topa pok vun!
Currently Selected:
Psalm Late 113: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
