Psalm Late 111
111
Topa Pokna
1 Topa pok vun!
Ama ii mite kikhopna ah ka thin theampo taw Topa ka pok tu hi.
2 Topa ii septe bangza in
lamdang ziam!
Tuate hu in a lungpilte in
tuate thu a tel nuam uh hi.
3Ama ii sep theampo sia patoaina
le vaangneina taw kidim hi;
ama ii thutang in
kip tawntung hi.
4 Topa in ama ii a lamdang a septe
eite makngil tu a dei bua hi;
ama dik a hesuak thei hi.
5Ama a zaktate atu in ama in an pia hi;
ama ii thuciam a mangil ngei bua hi.
6Ngamdang mite ii leitangte amate a piakna taw in
a mite tungah ama in a vaang lak hi.
7A sep a vawt theampo sungah
ama thumaanin thutang hi;
ama ii thupiakna theampo in
muan thamman hi.
8Tuate in a tawntungin kikhomsuan hi;
thumaan thutak le thutang taw a kipia ahi hi.
9Ama in a mite suaktasak a,
amate taw a kip tawntung thuciamna khat vawt hi.
Ama thiangtho in vaanglian hi!
10 Topa zatakna in ciim natu lampi ahi hi;
ama thupiakte a zui theampo tungah thu khentel thiamna pia hi.
Ama sia a tawntungin pok tu ahi hi. #Job 28:28; Pau 1:7; 9:10
Currently Selected:
Psalm Late 111: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
