Psalm Late 110
110
Topa le A teal Kumpipa
1Ka topa tungah Topa in,
“Na ngalte na peang nuai ah ka koi dong
hi sung ka ziatsang ah to in” ci hi. #Mt 22:44; Mk 12:36; Lk 20:42-43; Sawl 2:34-35; 1 Cor 15:25; Eph 1:20-22; Col 3:1; Heb 1:13; 8:1; 10:12-13
2Zion panin Topa in
na kumpi vaangletna hong khang tu hi.
Ama in, “Na ngalte uk in” ci hi.
3Na ngalte na sim ni ciangin
na mite in amate uuk thu in nang hong pawm tu hi.
Zingsang tuung daaitui bangin
na khangnote in nang kung mual thiangthote tungah hong pai tu hi.
4 Topa in ciliap huai kamciam khat vawt a dok kik ngawl tu hi:
“Nangma in Melchizedek pan a kinguizui thiampi nam sungah
a tawntungin thiampi khat na hi tu hi,” ci in kamciam pia hi. #Heb 5:6; 6:20; 7:17-21
5 Topa sia na ziatsang ah om hi;
ama a thin a uuk ciangin kumpite zothal siat tu hi.
6Minam tuatuamte tungah ama in thutan tu a,
ngal kisimna phual sia mithiluang taw kidimsak tu hi;
leitung kumpite theampo zo siat tu hi.
7Kumpipa in lamhui ah a luang luitui ne tu a,
tuasia ciang kithakho sua in, zawna taw a ding tu hi.
Currently Selected:
Psalm Late 110: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
