Psalm Late 11
11
Topa sungah Kimuanna
1 Topa sia ngammuanna nga natu in ka muang hi.
Hi bang na ci uh sia bangza in mawmawthuai ziam?
“Vacim bangin mualte ah leang ta in,
2banghang ziam cile, mi seksolte in thal keak a,
amate in thaltangte taw
mihing phate
a buliana panin kap tu in tuung zo hi.
3Na theampo a cipthap zawkciang
mihing phate vawt thei tu
bangma a om nawn bua hi.”
4 Topa, ama ii biakinn thiangtho sungah om hi;
Topa ii kumpi tokhum in vantung ah om hi.
Mun theampo a om mihingte encik a,
amate bang vawvawt ci sia he hi.
5Topa in a miphate le a seksolte
a kibangin encian khawm hi,
tuaciangin a maitatte
a thinsung theampo taw ensan hi.
6Ama in a seksolte tungah
suangmeihol kaamte le kaan meikuangte buaksuk hi;
ama in amate a sa mama vuite taw daan pia hi.
7Topa in thutang a, na pha sepna dei hi;
tuabang a, a seamte sia ama ii omna munah teang tu uh hi.
Currently Selected:
Psalm Late 11: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
