Paunakte 7
7
1Ka tapa awng, ka paunate ciamtee in a, kong sawlte vawt tu mangil ngei heak in. 2Kong sawlte seam lete na nungta tu hi. Na mittangte na huuk bangin kong hilnate kidawm in zui in. 3Kong hilnate a tawntung keamcing in; na lungtang tungah at in. 4Ciimna sia na suapuinu bangin ngaisun in a, thuthuk muna sia na ngualtamh phabel bangin ngaisun in. 5Tuate in ngual zite kung panin nang hong keam tu hi, zolna kampau thei numeite kung panin hong keam tu hi.
A paktat Numei
6Khatvei lai in ka khelki panin a pua sang khua ka et le 7bangma a khua he seam ngawl lai tangval tam mama ka mu hi, tuate sungah a mawmaw khat a tuamin ka ciamtee hi. 8Ama in numei khat ii teenna nai, lampi sia tawnin pai hi, 9tua hun sia nitak khuazin zawk ahi hi. 10Tuasia ciang tua nu in ama taw kisi hi; tua nu sia pumpi zuak numeite bangin kizeam a, tuaciang ama in niimna khat nei hi. 11Ama sia hangin a maizum maw numei khat hi a, lampi ah vak tawntungin tua ahibuale 12lamking pan ngakin ding hi, khat vevei sia lampi ah, khat vevei le vanhzuakna phual ah ngakin om hi. 13Ama in tangvalpa ngawngkoai in namh a, a mittang salhin, 14“Tuni in biakpiakna ka vawt a, sangaw biakpiakna pan sa zongh ka nei hi. 15Tua ahikom nangma zong tu in kong pusuak hi. Kong mu nop bangma in hi sungah na om hi! 16Ka lupna sia Egypt pan puanneal a pawlkhat taw ka siin zo hi. 17Tua lupna sia myrrh, aloe le cinnamon thingnamtuite taw ka namtuisak zo hi. 18Hong pai ta'n! Zankhuateakin lumkhawm tawng. Khat le khat kikoai in nuamsa tawng. 19Ka pasal sia inn ah om ngawl hi. Khual khuala a haw laitak hi. 20Ama in sum tam ma keng a, nipi nii sung hong cia ngawl tu hi,” ci hi. 21Tuabangin ama in tangvalpa sia ama thiamna taw zol a, numei ii kamthum kamzol in tangvalpa zo hi. 22Thakhat thu in ama sia ngaw tu in a kipaipui khuital bangin numei nu taw pai a, thaang sungah a awk tu sangai bangin kilawn in tai hi; 23tua thaang sia thaltang ii a lungtang a vutlet natu mun hi. Ama sia ngeen sungah a tum vacim bang hi a — ama nuntakna lauhuai ahi hunlam a he bua hi.
24Tu in, ka tapate awng, hong ngai tavun. Ka pauna hong nadon tavun. 25Tuabang numei khat in na thinzosak heak vun: ama ii nung zuikot heak vun. 26Ama in pasal tam mamate ii lalcipna hi a, a kisim zo ngawl mihing tam mamate ii thina piangsak hi. 27Ama inn ah na haw le mithi khua a zuazuan na hi hi. Tua in thi natu lamban khat ahi hi.
Currently Selected:
Paunakte 7: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
