Paunakte 10
10
Solomon ii Paunakte
1Hite sia Solomon ii paunakte ahi hi: Tapa ciim in a pa angtangsak a; a mawmaw sia in a nu khuangaisak hi.
2Thumaan ngawlna taw na nga hauna in bangma phattuamna hong pia ngawl tu hi, ahihang thumaanna in na nuntakna hong ngum thei hi.
3 Topa in mihing phate ngilkialsak ngawl tu hi; ahihang a seksolte sia amate ii deite a ngasak buatu hi.
4Dathamna in zawnna piangsak tu a, ahizong nasep hatna in hong hausak tu hi.
5Mihing khuangaisun thei khat in a hunlai in lo ante kaikhawm hi; anlaak hun sung teng mutna in mindaina hi.
6Mihing pha khat in thupha saang tu hi. Mihing seksol khat ii kammalte in a ngoltol pianzia phualseal hi.
7Mihing phate sia thupha saanna hi ci in kiciamtee tu hi, ahihang mihing seksolte sia kimangil pal tu hi.
8Mihing khuangaisun theite in ngaisut pha piakna saang thei hi. Mawmawt kam a pau mite sia siatna sung theng tu hi.
9Thumaan mihingte thinmuang hiithiat a, ahizong thumaan ngawlte mat thuak tu hi.
10Thumaan thutak a iim te in buaina piangsak a, ahizong phualseal ngawlin a son ngamte in kilem natu in naseam ahi uh hi.
11Mihing pha khat ii kampaute in nuntakna tuinaak hi a, ahizong a seksol khat ii kammal in a ngoltol pianzia phualseal hi.
12Ki etsatna in buaina thawn a, ahizong itna in tatkhialna theampo maisak hi.#Jas 5:20; 1 Pe 4:8
13Mihing a pilte in khiakna nei in pau a, ahizong a mawmawte daan piak kul hi.
14A ciimte in heakna a nga thei za in la a, ahizong mihing mawmawte hong pau ciang buaina taw kinai hi.
15Hauna in a haute hung a; zawnna in a zawngte susia hi.
16Nasep pha sepna thaman in nuntakna hi a, ahizong mawna in mawna dang tamzaw lai sung hong then hi.
17Kihil kipau ciangin a ngai mihingte nungta tu a, ahizong amate khialna a pualaak nuam ngawlte atu in lauhuai hi.
18Mihing khat ama ii etsatna a phualseal sia in leilot pa ahi hi. Thu nawnsan a kizelsak sia in mihing mawmaw ahi hi.
19Kam tam pau vaial lete mawna vawt vaial hi thei tha tu ni hi. Mihing ciim na hile pau ngawlin om khipkhep tu ni hi.
20Mihing pha khat ii kammalte in ngunn ciitak bang hi a, a seksol khat ii ngaisutnate in man nei ngawl hi.
21Mihing pha khat ii kammalte in mihing tam mama phattuamna pia tu a, ahizong nangma le nangma sia mawmawtna taw na kithatlum thei tu hi.
22Nang hong hausak sia in Topa ii thupha ahi hi. Nasep hanciamna in hong hauzawsak thei ngawl hi.
23A maan ngawl sep diksakna sia mawmawtna hi. Mihing pilte in ciimna sungah nuamsa uh hi.
24A thutangte in amate deite nga a, ahizong a seksolte in a kiitakbel teng nga tu hi.
25Vuipi suangval hong pai in a seksolte seamkeak a, ahizong mihing thumaante a tawntung suakta hi.
26Bangma hunin mihing datham pa khat in nang atu bangma seamsak ngei heak in; ama sia na ha le zuhau a kilem ngawl bang ahibuale na mittang sungah meikhu bangin hong nuammawsak tu hi.
27 Topa thu ni lete na khansauzaw tu hi. Mihing seksolte sia thi hun ngawlin khanthi uh hi.
28Mihing phate ii lametnate in thinnopna sung hong then a, ahizong mihing seksolte in mai sangah lamet tu bangma a nei thei bua uh hi.
29 Topa in thumaan mihingte sungsia hi; ahizong a ngamta khialte susia hi.
30A thutang mite in ngammuanna nei tawntung tu a, ahizong mihing seksolte a ngam sungah a nungta buatu hi.
31A thutang mihingte in ciimkam pau uh a, ahizong kamsia a pau leei sia kitawlngasak tu hi.
32A thutang mihingte in a dik thute pau tu he a, ahihang a seksolte in ngual thin nat natu bek pau nithi uh hi.
Currently Selected:
Paunakte 10: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
