Job 28
28
Ciimna a Pokna
1Ngunn a kitawna mun ah a khukte om a,
Khamh a kithiansakna munte zongh om hi.
2Khuktote in thik sia lei sung pan to in,
Tuaciang suang panin taausan tuisak hi.
3Amate in khuazing thukbelna sungah zong uh hi.
Amate in lei taw thukna ah zongin
Tuaciang khuazing sungah suangte to uh hi.
4Mihing khat pawpo ii
teenna mun
Tua ahibuale mihing peang taw
khual a haw ngeina mun taw a kikhualana ah
Mihingte in suangkhuk tumna
hawngte to uh hi.
Tua mun dum thukte sungah
Ama in khau luai a lungzuangin naseam hi.
5Thaw ante leitang pan piang hi,
Ahihang tua leitang sia ii nuai ah
Na theampo kilaaikeak in kisutham hi.
6Leisung suangte ii sungah sapphire suangmanpha vomte om a,
Tuaciang a leivui sungah khamh kihel hi.
7Suangkhukte paina lampite a mu ngei muthi om ngawl hi,
Tuaciang tuate tungah vaciik leang ngeingawl hi.
8Tawpi ahibuale a kiitakhuai ngamsa ngilo dangte in
Tua a ngamkhing lampite tawn ngeingawl hi.
9Suangkhuk naseamte in suangsak belte to a,
Mualte sia mual peang dong totham hi.
10Suangte sungsang a tawletna hawng vangte panin
Amate in suangmanphate mu uh hi.
11Amate in ngun naakte
dong to in,
a kiseal nate a kilangh taakna ah paipui uh hi.
12Ahihang ciimna koisungah kimu thei ziam?
Tel thei natu in koisungah ih sin thei tu ziam?
13Ciimna sia a thithei mite sungah kimu ngawl tu hi.
Kuama in a manphatna tatak he ngawl hi.
14Tuipi liante le tuipi peuma ii a thuknate in zongh
Tua munah ciimna om ngawl hi ci uh hi.
15Ciimna sia ngunn le khamh taw kilei thei ngawl hi.
16Ciimna ii manphatna sia
A phabel khamh le
suangmanpha te taw kitee thei ngawl hi.
17Ciimna sia khamh sangin manpha zaw a,
Khamh paakbung khat ahibuale maanhai pha belte sangin manpha zaw hi.
18Ciimna ii manphatna sia tuipi muanpaakte, suangkaangte
ahibuale suangmanpha sante ii manphatna sangin mannei zaw hi.
19Topaz suangmanpha pha belte le khamh ciitak ii man sia
Ciimna ii manphatna taw kisontee thei ngawl hi.
20Tua ahile, ciimna ii naak koisung om ziam?
Koisungah tel thei natu in ih sin thei tu ziam?
21A nungta nganhing in tuasia mu thei ngawl hi,
A leang vacim khat zongh in mu thei ngawl hi.
22Thina le lalna ngawngawn zongh in mu ngawl a,
ngual ii kamdawn bek za khu hi ci hi.
23Pathian bek in a lampi he a,
Ciimna a kimuna mun he hi.
24Banghang ziam cile ama in leimongte dong mu a,
Van ii nuai ah a om na theampo mu hi.
25Pathian in vui ii a thahatna
a piak ciang,
tuipi ii phakcia tu
a khensat ciang;
26Pathian in nguazuk natu mun,
Tuaciang vanto khualeng
meeite lampi tu a khensat ciang;
27Tuasia ciangin ama in ciimna mu a, a man neina sit hi —
Ama lungkim in kipsak hi.
28Pathian in mite mun ah,
“Na ciim natu uh in, Topa thasia nanak tu nu hi.
Na heak thei natu uh in siatna pial hamtang tu nu hi,” ci hi. #Ps 111:10; Pau 1:7; 9:10
Currently Selected:
Job 28: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Job 28
28
Ciimna a Pokna
1Ngunn a kitawna mun ah a khukte om a,
Khamh a kithiansakna munte zongh om hi.
2Khuktote in thik sia lei sung pan to in,
Tuaciang suang panin taausan tuisak hi.
3Amate in khuazing thukbelna sungah zong uh hi.
Amate in lei taw thukna ah zongin
Tuaciang khuazing sungah suangte to uh hi.
4Mihing khat pawpo ii
teenna mun
Tua ahibuale mihing peang taw
khual a haw ngeina mun taw a kikhualana ah
Mihingte in suangkhuk tumna
hawngte to uh hi.
Tua mun dum thukte sungah
Ama in khau luai a lungzuangin naseam hi.
5Thaw ante leitang pan piang hi,
Ahihang tua leitang sia ii nuai ah
Na theampo kilaaikeak in kisutham hi.
6Leisung suangte ii sungah sapphire suangmanpha vomte om a,
Tuaciang a leivui sungah khamh kihel hi.
7Suangkhukte paina lampite a mu ngei muthi om ngawl hi,
Tuaciang tuate tungah vaciik leang ngeingawl hi.
8Tawpi ahibuale a kiitakhuai ngamsa ngilo dangte in
Tua a ngamkhing lampite tawn ngeingawl hi.
9Suangkhuk naseamte in suangsak belte to a,
Mualte sia mual peang dong totham hi.
10Suangte sungsang a tawletna hawng vangte panin
Amate in suangmanphate mu uh hi.
11Amate in ngun naakte
dong to in,
a kiseal nate a kilangh taakna ah paipui uh hi.
12Ahihang ciimna koisungah kimu thei ziam?
Tel thei natu in koisungah ih sin thei tu ziam?
13Ciimna sia a thithei mite sungah kimu ngawl tu hi.
Kuama in a manphatna tatak he ngawl hi.
14Tuipi liante le tuipi peuma ii a thuknate in zongh
Tua munah ciimna om ngawl hi ci uh hi.
15Ciimna sia ngunn le khamh taw kilei thei ngawl hi.
16Ciimna ii manphatna sia
A phabel khamh le
suangmanpha te taw kitee thei ngawl hi.
17Ciimna sia khamh sangin manpha zaw a,
Khamh paakbung khat ahibuale maanhai pha belte sangin manpha zaw hi.
18Ciimna ii manphatna sia tuipi muanpaakte, suangkaangte
ahibuale suangmanpha sante ii manphatna sangin mannei zaw hi.
19Topaz suangmanpha pha belte le khamh ciitak ii man sia
Ciimna ii manphatna taw kisontee thei ngawl hi.
20Tua ahile, ciimna ii naak koisung om ziam?
Koisungah tel thei natu in ih sin thei tu ziam?
21A nungta nganhing in tuasia mu thei ngawl hi,
A leang vacim khat zongh in mu thei ngawl hi.
22Thina le lalna ngawngawn zongh in mu ngawl a,
ngual ii kamdawn bek za khu hi ci hi.
23Pathian bek in a lampi he a,
Ciimna a kimuna mun he hi.
24Banghang ziam cile ama in leimongte dong mu a,
Van ii nuai ah a om na theampo mu hi.
25Pathian in vui ii a thahatna
a piak ciang,
tuipi ii phakcia tu
a khensat ciang;
26Pathian in nguazuk natu mun,
Tuaciang vanto khualeng
meeite lampi tu a khensat ciang;
27Tuasia ciangin ama in ciimna mu a, a man neina sit hi —
Ama lungkim in kipsak hi.
28Pathian in mite mun ah,
“Na ciim natu uh in, Topa thasia nanak tu nu hi.
Na heak thei natu uh in siatna pial hamtang tu nu hi,” ci hi. #Ps 111:10; Pau 1:7; 9:10
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016