Job 29
29
Job ii Ama Thu A khakbel A sonna
1Job a thuson kipan kik hi.
Job
2Pathian ii hong et hong kepcing hun lai bangkeakin
ka nuntakna khatvei kipan kik thei le oai meak ing.
3Tualai in kei taw Pathian
omkhawm tawntung a,
khuazing kaantan in ka va ciang
khuavak hong pia hi.
4Tua hun lai sia ka nopsak hunlai hi a,
Pathian ii hong pawlmatna in ka bangkua hum hi.
5Tualai in kei taw Vaanglianbelpa Pathian omkhawm a,
kei sia ka tate theampo in hong kiim uum vaniau hi.
6Ka khuipuite le ka kealpuite in
noai tam mama hong pia a,
ka olive kungte suang
tam belna lei sungah po hi.
7Khuapi upate a kikhop simin amate sungah ka kihel ciangin,
8khangmoite in kei hong mu po le hong pial a,
tuaciang khanghaamte in zatak piakna in hong din uh hi.
9Mipite ii lampuite zongh a pau uh tawlnga uh hi;
10a thupibel mite zongh huthe ngawlin om uh hi.
11Kei hong mu theampo ahibuale
kei hong za mite theampo in
ka sep ka vawt sate a pha in hong son uh hi.
12Mizawngte a au uh ciang
ka hu hi;
Zot natu mun a nei ngawl tangate ka hu hi.
13Ngim le kham nasiabel a thuak
mite in kei hong pok uh hi,
tuaciang meingongte ngam muanna a nga natu in ka hu hi.
14Thutang le khualna taw ka ngamta tawntung hi.
15Mittawte atu in mittangte ka hi a,
peangbaite atu in peangte ka hi hi.
16Mizawngte atu in pa dinmun ah ka ding a,
khualmi a ngimngate sangah ka pang hi.
17Mihing cizat nei ngawlte ii thahatna ka susia a,
a vawtsiat mite ka suatak hi.
18Khansau in nuntak tu le
nuam takin inn ah thi tu ka ngaisun tawntung hi.
19Kei sia a zungte, tui a nga tawntung le
a baakte daaitui a kawt thingkung khat bang ka hi hi.
20Mi theampo in kei
hong pok tawntung a,
ka thahatna
kiam ngeingawl hi.
21Ngaisutna ka piak ciang
mite huthe ngawlin om a,
ka son sia pha takin
hong ngai hi;
22ka man zawkciang zong
bangma belap natu nei ngawl uh hi.
Ka kammalte a sungah
nguamalte bangin tum hi;
23khaal kipat hun a lothote in
khuapi ngua a saan thiam bangin
a kuama po in ka kammalte saan thiam uh hi.
24A thin uh a kiam ciang amate ka maitui a;
ka maitaina in amate tha ngasak hi.
25Amate ka huai ka keam a, a vaite ka hawmsak hi.
Kumpi khat ii a ngalkapte a lampui bangin amate lam ka pui a,
a thinngim ciangin amate ka heeneam hi.
Currently Selected:
Job 29: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Job 29
29
Job ii Ama Thu A khakbel A sonna
1Job a thuson kipan kik hi.
Job
2Pathian ii hong et hong kepcing hun lai bangkeakin
ka nuntakna khatvei kipan kik thei le oai meak ing.
3Tualai in kei taw Pathian
omkhawm tawntung a,
khuazing kaantan in ka va ciang
khuavak hong pia hi.
4Tua hun lai sia ka nopsak hunlai hi a,
Pathian ii hong pawlmatna in ka bangkua hum hi.
5Tualai in kei taw Vaanglianbelpa Pathian omkhawm a,
kei sia ka tate theampo in hong kiim uum vaniau hi.
6Ka khuipuite le ka kealpuite in
noai tam mama hong pia a,
ka olive kungte suang
tam belna lei sungah po hi.
7Khuapi upate a kikhop simin amate sungah ka kihel ciangin,
8khangmoite in kei hong mu po le hong pial a,
tuaciang khanghaamte in zatak piakna in hong din uh hi.
9Mipite ii lampuite zongh a pau uh tawlnga uh hi;
10a thupibel mite zongh huthe ngawlin om uh hi.
11Kei hong mu theampo ahibuale
kei hong za mite theampo in
ka sep ka vawt sate a pha in hong son uh hi.
12Mizawngte a au uh ciang
ka hu hi;
Zot natu mun a nei ngawl tangate ka hu hi.
13Ngim le kham nasiabel a thuak
mite in kei hong pok uh hi,
tuaciang meingongte ngam muanna a nga natu in ka hu hi.
14Thutang le khualna taw ka ngamta tawntung hi.
15Mittawte atu in mittangte ka hi a,
peangbaite atu in peangte ka hi hi.
16Mizawngte atu in pa dinmun ah ka ding a,
khualmi a ngimngate sangah ka pang hi.
17Mihing cizat nei ngawlte ii thahatna ka susia a,
a vawtsiat mite ka suatak hi.
18Khansau in nuntak tu le
nuam takin inn ah thi tu ka ngaisun tawntung hi.
19Kei sia a zungte, tui a nga tawntung le
a baakte daaitui a kawt thingkung khat bang ka hi hi.
20Mi theampo in kei
hong pok tawntung a,
ka thahatna
kiam ngeingawl hi.
21Ngaisutna ka piak ciang
mite huthe ngawlin om a,
ka son sia pha takin
hong ngai hi;
22ka man zawkciang zong
bangma belap natu nei ngawl uh hi.
Ka kammalte a sungah
nguamalte bangin tum hi;
23khaal kipat hun a lothote in
khuapi ngua a saan thiam bangin
a kuama po in ka kammalte saan thiam uh hi.
24A thin uh a kiam ciang amate ka maitui a;
ka maitaina in amate tha ngasak hi.
25Amate ka huai ka keam a, a vaite ka hawmsak hi.
Kumpi khat ii a ngalkapte a lampui bangin amate lam ka pui a,
a thinngim ciangin amate ka heeneam hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016