Job 23
23
Job
1-2Lungkim ngawlna pualaakin
Pathian langpan lai khi hi;
tau ngawlin ka om thei bua hi.
3Koisungah ama
mu thei tu khi ziam,
tuaciang ama omna munah
koibangin pai tu khi ziam ci sia ka he nuam hi.
4A mai ah ka thu teng ka son tu a
keima sang pan ka nial nopna teng ka sung tu hi.
5Ama ii a son tu sia le
bangbangin kei hong zo kik tu ci ka he nuam hi.
6Pathian in a thahatna theampo kei tungah hong zangh tu ziam?
hong zangh ngawl tu hi, ama in ka thusonte hong ngai tu hi.
7Keima in thutak son khi hi; Pathian taw kam kikum thei tu khi hi;
ama in kei, mawbaang ngawl hi ci in a tawntung atu in khatvei lian pualaak tu hi.
8Ni suana sangah ka zong zo a, ahihang tua munah Pathian om ngawl hi;
Nitumna sang ka zon hang ama ka mu bua hi.
9Pathian sia saksang le thang sangah na seam hi,
ahihang ama ka mu bualai hi.
10Tua hi napi Pathian in ka kalsuanna theampo he hi;
Ama in kei hong sit le a thiangin hong mu tu hi.
11Ama ii a teal lampi sia thumaan takin ka zui a, lam ka pial ngei bua hi.
12Pathian ii thupiakte ka seam tawntung hi;
ama ii deina ka zui a, keima ii uuk bangin ka ngamta bua hi.
13Ama kikheal ngeingawl hi. Kuama in ama nalh zo ngawl hi,
tua ahibuale a vawt nopte kuama in khaam zo ngawl hi.
14Kei atu a ngealsa sia ama in taangtungsak tu hi;
tuasia ama ngealna tam mama sung pan khat bek hi.
15Ama mai ah lau in
ka liing vadil hi.
16-17Vaanglianbelpa Pathian in ka thin hanna bosak hi.
Khuazing in ka mit hong tawsak ahitazong
hong patausak sia khuazing hi ngawl a Pathian ahi hi.
Currently Selected:
Job 23: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
