Isaiah 39
39
Babylon pan Kamtaite
(2 Kumpite 20:12-19)
1Hi hun sungin Baladan ii tapa, Babylon kumpipa ahi Merodach Baladan in Hezekiah kumpipa cii natna thu za ahikom lai khat le letsong khat thaak hi. 2Hezekiah in kamtaite pha takin vaidawn a, a hau nate — a ngunn le a khamh, a hel namtui te le a paaknamtui te banah a ngalvanh theampo lak hi. A vanh kholna inndoite ah vanhte ahizong, a ngamsung theampo ah a om vanhte ahizong a lak ngawl khat zongh om ngawl hi. 3Tuaciang kamsaang Isaiah sia Hezekiah kumpipa kungah pai in, “Hi mite koisung pan hong pai a, nang tungah bang hong ci ziam” ci in dongh hi.
Hezekiah in, “Amate sia a khuala mama na ngam Babylon pan hong pai ahi uh hi,” ci in zo hi.
4“Amate in kumpi inn sungah bang teng mu ziam?”
“Na theampo mu uh hi. Vanh kholna inndoite ah amate ka lak ngawl bangma om nawn ngawl hi,” ci in Hezekiah in zo hi.
5Tuaciang Isaiah in kumpipa tungah, “Vaanglianbelpa Topa in, 6na kumpi inn sungah a om, na taanghpupite ii tu ni dong a kholsa vanh theampo Babylon khua ah a kipuak tu hun khat hong theng tu hi. Bangma taang ngawl tu hi. 7Nangma sung pan a piang na suan na paalte pawlkhat sia kipaipui tu a, Babylon kumpipa inn sungah numei uk seam tu in a cil kinget tu hi,” ci in son hi. #Dan 1:1-7; 2 Kum 24:10-16; 2 Khang 36:10
8Hezekiah kumpipa in ama ii nuntak sung tengin thinnopna le ngammuanna om tu hi, a cinopna ahi hunlam tel ahikom, “Topa kung pan hong pai nong thupuak sia pha hi,” ci in zo kik hi.
Currently Selected:
Isaiah 39: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
