Pianciilna 36

Esau ii Suan le Paalte

(1 Khangtaanghthu 1:34-37)

1Hi mite sia Edom zongh a kici, Esau ii suan le paal te ahi hi. 2Esau in Canaan numeite teenpui a: tuate sia Hit te Elon ii tanu Adah; Hiv te Zibeon tapa Anah ii tanu Oholibamah #Pian 26:34 3le Nebaioth ii suapuinu, le Ishmael ii a tanu Basemath ahi uh hi. #Pian 28:9 4Adah in ta Eliphaz nei a; Basemath in ta Reuel nei hi; 5Oholibamah in ta Jeush, Jalam le Korah nei hi. Hi teng sia Canaan ngamsung pan a nei Esau ii tapate ahi hi.

6Tua zawkciang Esau in a zite, a tapate, a tanute le a inn sung a teang mihingte theampo, a nganno theampo le Canaan ngam sungah a nga a neisa theampo la in a suapuipa Jacob kung pan ngamdang khat zuan khawm tek hi. 7Ama le Jacob te kivaak kitaa natu in a teenna ngam le lei kicing zo ngawl ahi hu in paisan hi; amate ii neisa nganno tam leih ahikom teang khawm thei nawn ngawl uh hi. 8Tua ahikom Edom mualtung ngam ah Esau teang hi.

9Hite sia Edom te ii taanghpupi Esau suan le paalte ahi hi. 10-13Esau in a zi Adah taw tapa khat Eliphaz nei a, Eliphaz in tapa nga nei hi: tuate sia Teman, Omar, Zepho, Gatam le Kenaz ahi hi. Tuaciang a zi dang Timna taw tapa Amalek neithua hi.

Esau in a zi Basemath taw Reuel nei a, Reuel in tapa li nei hi: tuate sia Nahath, Zerah, Shammah le Mizzah ahi hi.

14Esau in Zibeon tapa Anah ii tanu Oholibamah taw tapa thum nei a: Jeush, Jalam le Korah ahi hi.

15Esau suante sia hi minamte ahi uh hi. Esau ii ta masabel Eliphaz sia a nuai a minamte ii pianna taanghpupi ahi hi. Tua minamte sia Teman, Omar, Zepho, Kenaz, 16Korah, Gatam le Amalek te ahi hi. Hite sia Esau ii zi Adah ii suan le paalte ahi hi.

17Esau ii tapa Reuel sia a nuai a minamte ii pianna taanghpupi ahi hi. Tuate sia Nahath, Zerah, Shammah le Mizzah te ahi hi. Hite sia Esau ii zi Basemath ii suan le paalte ahi hi.

18Anah ii tanu, a zi Oholibamah taw a hin Esau ii suan le paalte sia a nuai a minamte hi a: Jeush, Jalam le Korah te ahi hi. 19Hi minamte theampo sia Esau ii suan le paalte ahi hi.

Seir ii Suan le Paalte

(1 Khangtaanghthu 1:38-42)

20-21Edom ngam sungah a teang ciilte sia a minam in kikhen a, tuate ii pianna sia a nuai a bangin Hor te Seir ii suan le paalte taw kinguizui hi: tuate sia Lota'n, Shobal, Zibeon, Anah, Dishon, Ezer le Dishan ahi hi.

22Lotan sia Hori le Heman beete ii pianna taanghpupi ahi hi. (Lotan in Timna a kici suapuinumei khat nei hi.)

23Shobal sia Alvan, Manahath, Ebal, Shepho le Onam beete ii pianna taanghpupi ahi hi.

24Zibeon in tapa nii nei a, Aiah le Anah ahi hi. (Anah sia duisung ngampa ah a pa laate a cin lai in, ciktui sa te a mu pa ahi hi.) 25-26Anah sia Dishon ii pa hi a, Hemdan, Eshban, Ithran le Cheran te ii taanghpupi ahi hi. Anah zongh in Oholibamah a kici ta numei khat nei hi.

27Ezer sia Bilhan, Zaavan le Akan beete ii pianna taanghpupi ahi hi.

28Dishan sia, Uz le Aran bee le phungte pianna taanghpupi ahi hi.

29-30Edom ngamsung Hor minamte sia: Lota'n, Shobal, Zibeon, Anah, Dishon, Ezer le Dishan te ahi hi.

Edom ii Kumpite

(1 Khangtaanghthu 1:43-54)

31-39Israel ngam sungah kumpi khat zongh a om ma in a nuai a kumpite in a kizomin Edom ngam uk uh hi: tuate sia

Dinhabah khua pan Beor tapa Bela

Bozrah khua pan Zerah tapa Jobab

Teman ngamkhen pan Husham

Avith khua pan Bedad tapa Hadad (Ama in Moab ngamsung a kisimna ah Midian te zo hi.)

Masrekah khua pan Samlah

Rehoboth-Ngun-tung-khua pan Shaul

Achbor ii tapa Baal Hanan

Pau khua pan Hadad (A zi sia Mehetabel hi a, Matred tanu, Mezahab ii tunu ahi hi.)

40-43Esau sia a nuai a Edom minamte ii pianna taanghpupi hi a: tuate sia, Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel le Iram ahi hi. Hi minamte teenna, a mun a ngam tek sia minam min zui in kilo hi.

Currently Selected:

Pianciilna 36: SCB2

Highlight

Copy