इब्रानियों 5
5
महायाजकेरै तेईनी योग्यता
1हर अक महायाजक इस्राएलेरै मैहणुवां मझां चुणियूंता। जां मैहणुवां केरै तेईनी परमेश्वरेरी सेवा कांनेरै तेईनी चुणियूंता ताकि सै भैंट चाढियां करिया, जां मैहणुवां केरै पापा केरै तेईनी बलि चाढियां करिया। 2अक इन्सान भूंणेरै नातै सैक्या ऐपु बि कमजोरिया केरै आधीन आ। ऐनि वजहि ला सैक्या नांसमझ जां भटकणारा मैहणुवां सिंउ प्यार सिंउ निपटी सकता। 3केईनी कि सै ऐपु कमजोर आ, तेसेरै तेईनी ऐ जरूरी आ कि सैक्या ना सिर्फ मैहणुवां केरै पापा केरै तेईनी बल्कि अपड़ै पापा केरै तेईनी बि बलिदान चाढ़िया।
4जां कोई बि मैहणु ऐपु महायाजक भूंणैरा औधा ऐपु ना लींता। जिहीं-चारै परमेश्वरै हारून पेहिलै महायाजकेरै रूपा मझ शदा जां चुणा, तिहियें चारै सैक्या होरनियां महायाजका शदांता जां चुणता।
हमेशा तेईनी महायाजक
5तिहियें-चारै मसीह बि अपांणा महायाजक बणांकरी अपड़ा सम्मान कांनेरा फैसला ना केया। बल्कि परमेश्वरै मसीह सिंउ ऐ बोलि करि सम्मान केया, कि
“तु मिंडा पुत्र आ,
आज आंउ ऐ घोषणा काता कि आंउ-ऐ तिंडा पिता आ।”
6ऐहींयै एकि होरी जगाय परमेश्वरै तैस सिंउ फिरी बौलु, कि
“तिहियें-चारै जिहीं मलिकिसिदकै#5:6 मलिकिसिदक अब्राहमेरै टैंमेरा अक याजक जां सम्राट थ्या। एकि याजकेरै रूपा मझ कंम केया,
तु हमेशा अक याजक रींहणा।”
7यीशु इस धरतिरै जीवन काला मझ जै तैस मोउती किना बचा सकींथ्या, जौरै-जौरै हकै दींतै जां लैरी दी करि परमेश्वरा सिंउ प्रार्थनाय जां विनती क्यौरी थी केईनी कि सै नम्र जां समर्पित थ्या, परमेश्वरै तेसेरी प्रार्थना शुणि। 8हलाँकि यीशु परमेश्वरैरा पुत्र थ्या, तांबि तेनी अपड़ै दुखा मझ बि परमेश्वरेरी आज्ञायरा पालन कांना शिख्रा।
9-10परमेश्वरै मलिकिसिदका सैयि तेसनी महायाजक वा आदर दित्ता, सैक्या सिद्ध बंणा जां सैक्या तैन्हांं सभनियां केरै तेईनी उद्धार मेईंणैरा जरिया भौ ग्या, जै तेसैरी आज्ञा मनींथियै।
विश्वास किना भटकणैरा नतीजा
11ऐठणीरै बारै मझ शुणाणेरै तेईनी बड़ु किछ आ, पण तैन्हांं केरै बारै मझ विस्तार सिंउ शुणांणु मुश्किल आ। केईनी कि तुवे परमेश्वरा वचन शिख्रना मझ आलसी भौ गियोरै अत्तै। 12तुहां विश्वास कातै बड़ा टैंम भौ गियौरा, अबै ता तुवे शिख्रांणार भूंणै चेहिंथै थ्यै। ऐठणीरी वजाय, तुहां ऐम्हीं बि कोसकेरी जरूरत आ जै तुहांनि परमेश्वरेरै वचनेरी शुरूवातिरी शिक्षा दुबारे किना शिख्राईया। तुवे ता ऐतियै भौ गियोरै अत्तै, जिहीं बच्चै अत्तै। तकड़ी रोटी खांणेरी वजाय तुहांनि ऐम्हीं बि दुधै चेहिंथु। 13जै मैहणु दुध पींतै सैक्यै तैन्हांं बच्चा सैयि अत्तै जै सच मझ परमेश्वरेरी नजरी मझ सही जीवन जींणेरै बारै मझ ना जांणतै। 14पण सै मैहणु जेसैरी तुलना एकि परिपक्व मैहणु सेईतै करि सकतै, जै हर प्रकारेरी रोटी चापी सकता। ऐ सै मैहणु आ जेसैरा विश्वास परिपक्व आ, जै गहरी शिक्षा समझणेरै काबिल आ। ऐतियै मैहणुवें अपड़ा मंन अच्छाई जां बुराई मझ फर्क कांनेरै तेईनी आदि बणां लियौरा।
Currently Selected:
इब्रानियों 5: CDJNT
Highlight
Share
Compare
Copy
Want to have your highlights saved across all your devices? Sign up or sign in
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
