1 थिस्सलुनीकियों 4
4
जीवन जै परमेश्वरा खुश करिया
1हे मिंडै विश्वासी भाईयो, अंत मझ असै प्रभु यीशु मसीहरै नाँईयां मझ तुहां मैहणुवां सिंउ विनती कातै कि तुवे ऐहीं-चारै जीवन जिआ जै परमेश्वरा खुश काता, जिहीं असुवें तुहांनि शिख्राउरू आ। तुवे पेहिलै किना ऐहीं-चारै जीवन जींतै, जां असै तुहांनि ऐहीं कातै रींहणेरै तेईनी हिम्मत दींतै। 2तुहां पता कि प्रभु यीशु जै असुवंनि अधिकार दितौरा, तेसेरै जरियै असुवें तुहांनि हुक्म दितोरै अत्तै। 3परमेश्वरेरी ईच्छा ऐ आ कि तुवे मैहणु पवित्र बंणा जां व्यभिचारा किना दूर बेशा, 4तुहां मझां हरेक मैहणु पवित्रताय जां आदर सिंउ अपड़ै शरीरा वंशा मझ कांनेरै तेईनी शिख्रनेरी जरूरत आ। 5जां तुहां ऐ कंम होरनियां जातिया सैयि जै परमेश्वरा ना जांणतै, वासना बाई ईच्छाय सिंउ ना कांने चेहिंथै। 6जां ऐसै गलै मझ कौ बि अपड़ै विश्वासी भाईरै खिलाफ पाप ना करिया जां ना कोई तेसैरा गलत फायदा लिया, केईनी कि प्रभु यीशु तैन्हांं सभनियांनि सजा दींणी जै ऐतियै कंम कातै; जिहीं कि असै तुहां मैहणुवंनी साफ-साफ बोलि करि समझाय बेठोरै अत्तै। 7केईनी कि परमेश्वरै असै अपवित्र जीवन जींणेरै तेईनी ना पण पवित्र जीवन जींणेरै तेईनी शदाउरै अत्तै।
8ऐठणीरै तेईनी जै ऐन्हां नियमा केरा पालन ना काता सैक्या मैहणुरा ना पण परमेश्वरैरा अपमान कातै, जै परमेश्वरै तुहांनि अपड़ा पवित्र आत्मा दितौरा।
प्रेम जां कंम
9जां भाईचारेरी प्रीतिरै बारै मझ ऐ जरूरी ना, कि आंउ तुहां किनि किछ लिखूं केईनी कि ऐपु मझ प्रेम रखणा, तुहैं ऐपु ऐ परमेश्वरा किना शिखरौरू आ। 10जां सारै मकिदुनिया प्रदेशेरै भाईया जां भींणियां केरै तेईनी तुवे प्रेम लुहाय बेठोरै अत्तै, पण भाईयो असै तुहां सिंउ विनती कातै कि तुवे ऐस मामलै मझ होरी बि तरक्की करा। 11जां जेतेयि असुवें तुहांनि आज्ञा दितोरी आ, तिहियें शांति सिंउ जीवन जिआ जां होरनियां केरै मामलै मझ दखल मेईं देया जां ऐपुवै अपड़ा कम कांनेरी कोशिश करा। 12ऐहीं-चारै बर्ताव कांने ला अविश्वासी मैहणुवां तुवाड़ा आदर कांना जां जैस चीजिरी तुहां जरूरत आ, तेसेरै तेईनी तुहां कोसक्यै होरेरै भरौसै ना बेशणु पूंणु।
यीशुरू दुबारे ऐईंणु
13हे मिंडै विश्वासी भाईयो, असै चांहथै अत्तै कि तुहां ऐ पता लगी गहिया कि तैन्हांं विश्वासिया सिंउ कितु भूंणु जै पेहिलै मरि गियोरै अत्तै। किहीं क्यै ऐहीं ना भुईया कि तुवे तैन्हांं अविश्वासी मैहणुवां सैयि दुख मनाईंया, केईनी कि तैन्हांं उम्मीद ना कि मरना किना बाद तैन्हांं फिरी जींति गांहणु। 14अगर असै विश्वास कातै कि यीशु मरा जां जींतिया बि, ता परमेश्वरा जै यीशु पन विश्वास करि-करि मरि गियोरै अत्तै, परमेश्वरा सैक्यै यीशु मसीह सिंउ वापस स्वर्गानि लै गांहणै। 15असै यीशुरै वचनेरै अनुसार ऐहीं बोलतै कि असै ता जींतै अत्तै जां प्रभु यीशु मसीह ऐईंणा तेईनी बचोरै रींहणै, ता सही मझ जै विश्वासी पेहिलै मरि गियोरै अत्तै तैन्हांं असुवां किना पेहिलै प्रभु यीशु सिंउ मिलणु। 16केईनी कि प्रभु यीशु ऐपुवे स्वर्गा किना उतरि ऐईंणु; तैस जौरै हक दी करि हुक्म दींणा, जां एकि मुखियै स्वर्गदूता जौरै-जौरै बोलणु जां परमेश्वरेरी काहि बजांणी, तेख्णी सभनियांं पेहिलै सै, जै मसीह पन विश्वास कातै-कातै मरि गियोरै अत्तै, सै पेहिलै जींति गांहणै। 17ऐत किना बाद असै जै जींतै अत्तै जां जै तैस टैंमा तेईनी बचौरै रींहणै सैक्यै तैन्हांं मैहणुवां सिंउ बदआ मझ प्रन चुकि नींणै जां तैन्हांं असमांणा मझ प्रभु यीशु सिंउ मिलणु जां तैस टैंमा किना हमेशा तेईनी प्रभु सिंउ बेशणु। 18ऐठणीरै तेईनी ऐन्हैं गलै ला योक्यानि हिम्मत दियां करा।
Currently Selected:
1 थिस्सलुनीकियों 4: CDJNT
Highlight
Share
Compare
Copy
Want to have your highlights saved across all your devices? Sign up or sign in
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
