Popular Bible Verses from 1 थिस्सलुनीकियों 4

Share

ऐत किना बाद असै जै जींतै अत्तै जां जै तैस टैंमा तेईनी बचौरै रींहणै सैक्यै तैन्हांं मैहणुवां सिंउ बदआ मझ प्रन चुकि नींणै जां तैन्हांं असमांणा मझ प्रभु यीशु सिंउ मिलणु जां तैस टैंमा किना हमेशा तेईनी प्रभु सिंउ बेशणु।

केईनी कि प्रभु यीशु ऐपुवे स्वर्गा किना उतरि ऐईंणु; तैस जौरै हक दी करि हुक्म दींणा, जां एकि मुखियै स्वर्गदूता जौरै-जौरै बोलणु जां परमेश्वरेरी काहि बजांणी, तेख्णी सभनियांं पेहिलै सै, जै मसीह पन विश्वास कातै-कातै मरि गियोरै अत्तै, सै पेहिलै जींति गांहणै।

परमेश्वरेरी ईच्छा ऐ आ कि तुवे मैहणु पवित्र बंणा जां व्यभिचारा किना दूर बेशा, तुहां मझां हरेक मैहणु पवित्रताय जां आदर सिंउ अपड़ै शरीरा वंशा मझ कांनेरै तेईनी शिख्रनेरी जरूरत आ।

अगर असै विश्वास कातै कि यीशु मरा जां जींतिया बि, ता परमेश्वरा जै यीशु पन विश्वास करि-करि मरि गियोरै अत्तै, परमेश्वरा सैक्यै यीशु मसीह सिंउ वापस स्वर्गानि लै गांहणै।

जां जेतेयि असुवें तुहांनि आज्ञा दितोरी आ, तिहियें शांति सिंउ जीवन जिआ जां होरनियां केरै मामलै मझ दखल मेईं देया जां ऐपुवै अपड़ा कम कांनेरी कोशिश करा।

केईनी कि परमेश्वरै असै अपवित्र जीवन जींणेरै तेईनी ना पण पवित्र जीवन जींणेरै तेईनी शदाउरै अत्तै।