1 थिस्सलुनीकियों 1
1
नमस्कार
1ऐ चिट्ठी पौलुस, सिलवानुस जां तीमुथियुसेरी तरफि सिंउ आ। ऐ चिट्ठी असै थिस्सलुनीकियों शहरेरै विश्वासिया भाईया केरै तेईनी लिखतै अत्तै, जै प्रभु यीशु मसीह मझ अत्तै;
आंउ प्रार्थना काता कि परमेश्वर तुहां पन अनुग्रह करिया जां तुहांनि शांति दिया।
थिस्सलुनीकियों शहरेरै मैहणुवां केरा विश्वास
2असै तुहां सभनियांं केरै तेईनी हमेशा परमेश्वरैरा धन्यवाद कातै रींहथै जां अपड़िया प्रार्थनाईया मझ याद रखतै। 3जेख्णी असै पिता परमेश्वरा सिंउ प्रार्थना कातै ता असै तैन्हांं कंमा याद कातै जै तुवे विश्वासेरी वजहि ला कातै, जां विश्वासिया केरी मजत कांनेरै तेईनी तकड़ी मैहनत कातै, केईनी कि तुवे तैन्हांं सिंउ प्रेम कातै जां तुवे सब्र सिंउ मैहणुवां केरा दितौरा दुख सहन कातै; केईनी कि तुवे प्रभु यीशु मसीहरै वापस ऐईंणैरी उम्मीद रखतै।
4मिंडै विश्वासी भाईयो! परमेश्वर तुहां मैहणुवां सिंउ प्रेम काता जां असु पता आ कि तुवे परमेश्वरै अपड़ै मैहणु भूंणेरै तेईनी चुणी लियौरै अत्तै। 5केईनी कि जेख्णी असुवें यीशु मसीहरै बारै मझ खुशखबरी शुणाय ता तुहां किनि ऐ सिर्फ शब्दा मझ ना पुज्जी पण पवित्र आत्मायरी सामर्थी ला पुज्जी; जां तुहैं पूरै भरौसै सेईतै विश्वास केया। ऐ तुहां पता कि जेख्णी असै तुहां सेईतै थ्यै, ता तुवाड़ी मजत कांनेरै तेईनी असुवें कोस तरीकैरा व्यवहार केया। 6तुहां पन बड़ा बडा क्लेश थ्या पण तुहैं पवित्र आत्मायरी तरफ सिंउ मेऔरी खुशी सेईतै खुशखबरिरा स्वागत केया। ऐनि तरीकै सिंउ तुहैं असेड़ै जां प्रभुरै उदाहरणेरा पालन केया। 7जां ऐहीं-चारै तुवे मकिदुनिया प्रदेशा जां अखाया प्रदेशेरै सारा विश्वासिया केरै तेईनी मिसाल बंणी गियै, 8केईनी कि तुवाड़ै ऐठां किना ना सिर्फ मकिदुनिया प्रदेशा जां अखाया प्रदेशा मझ वचन शुणांईया, बल्कि परमेश्वरा मझ तुवाड़ै विश्वासेरी चर्चा हर जगाय फैलती आ, ऐठणीरै तेईनी असुवां तुवाड़ै बारै मझ कोसक्यै सिंउ किछ बोलणैरी जरूरत ना। 9केईनी कि सै मैहणु होरनियांनि शुणांतै कि जेख्णी असै तुहां किनि यै ता तुहैं असैड़ा किहीं स्वागत केया जां तुवे किहीं मूर्तिया किना दूर भौ करि परमेश्वरा धेरै यै, ताकि तुवे जींतै जां सच्चै परमेश्वरेरी सेवा करिया। 10जां सै बोलतै अत्तै कि तुवे स्वर्गा किना परमेश्वरेरै पुत्रेरी ऐईंणैरी आशा कातै अत्तै, जै परमेश्वरै मौरा मझां जींतैरा, मतलब यीशु जै असुवां परमेश्वरेरै गुस्सै किना बचांता जै ऐईंणारा।
Currently Selected:
1 थिस्सलुनीकियों 1: CDJNT
Highlight
Share
Compare
Copy
Want to have your highlights saved across all your devices? Sign up or sign in
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
