YAOGYAW 8
8
Min Pakngai Siyiex Min Plakngai Kawn Pui
1Siyiex ex eue, ceu kaux Maix mawh pa ting lhaong ka piang haktiex in khawmuik heue. Min pakngai Maix pa ting lhaong hoik koe ka piang raoma heue. 2Maix tawx krax yaw rangdi ka jheeh kawn nyawm mai kawn ngie pa kawn peuex khankix#Mat 21:16 mai pui pa koeng mai pui pa bak ti yuh krax lud daux rhawm tix ang ah, Maix chix kieh yiien yawg tix heue. 3Phan aux keud ti yaox grawng pa phan pa deuh Maix raoma, khix, simuing ka gien taix Maix, 4kawn pui mawh pa yuh ka mawx, Maix lai kawn doh keud ka nawh, kawn kawn pui mawh pa yuh ka mawx mai Maix lai kawn kia ngiien ka nawh?#Yaw 7:17-18; Yaog 144:3; He 2:6-8 5Maix hoik yuh nawh tiiem khaing kawncau Siyiex khankix ceeix khaing heue. Maix hoik ceep nawh ka mhok min pakngai mai ceu pa nabyam yungyi heue.#1Kaw 15:27; Efe 1:22; He 2:8 6Kieh nawh giex kaing ka can pa hoik phan hoik deuh Maix khankix. 7Pa mawh yung, mawie, totiag 8sim raoma, kax mai pa chix chuh chix hu ka daux rawm khankix hoik deuh ka greem caong Nawh heue. 9Siyiex ex eue, ceu kaux Maix mawh pa ting lhaong ka piang haktiex in khawmuik heue.
Currently Selected:
YAOGYAW 8: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
