YAOGYAW 7
7
Lox Rawg Bwan Mai Lox Rhax Davit Son Ceu Pui Benyamin
1Siyiex aux eue, aux deuh rhawm ka Maix heue, teei aux lih khaing tawm taix pui pa tuktiaktukte mai taoh ka aux liak. 2Phan ang mawh nan, awm pa ang koe cao pa taoh mai kix teei ju aux, awm sivai sangsi pa kiied pa rud ti tik heue. 3Siyiex aux eue, phan aux hoik yuh nan ang ah mai phan koe see pa ang khaw ka daux taix aux ang ah, 4mai phan aux deeh yuh krax lud ka pui pa hoik khaw ka aux, pa ang tie koe grawh grawng mai tuktiak tukte awm pui pa koeng ang ah. 5Phan aux siep koe phimap tix ceuceu, kieh pui pa koeng ka aux, hoek leue ti pon giex ka ju aux heue. Kieh kix dig ju aux ka piang tiex mai kieh min plakngai aux rau dee tiiem ka daux phawng tiex liak. 6Siyiex eue, kaoh liak, ka daux pa song rhawm Maix, teei riang rao Maix mai tiebtie ka pui pa koeng ka aux liak, siduad ka son aux mai prawng ca ka son aux liak. 7Kieh ceu kawn pui khawmuik krawk khrawm ti rob vung viang Maix mai Maix deeh haok ka piang kix ka dee lhaong, 8Siyiex mawh Cao pa prawng ca ka kawn pui heue. Siyiex eue, aux rahsee ang ah, grum naog ang ah, jhak mai prawng ca ka piang aux liak. 9Kieh pui pa yuh kaing pa caox caig khankix som, mai pui pa yuh kaing pa rahsee khankix kaux cong liak, Maix mawh Siyiex pa rahsee, Cao pa chawk cheng ka rhawm rhi mai sok lax heue.#Jhi 2:23 10Siyiex mawh Cao pa tiebtie ka aux mai mawh Cao pa taoh ka pui pa rahsee heue. 11Siyiex mawh Cao pa prawng ca rahsee mai Nawh Cao song rhawm ka pui pa ang rahsee jheung jheung heue. 12Phan pui ang thai lox cox rhawm tix, Siyiex klaing vaid mai Nawh Cao hoik vaik ak mai nyeu ti deuh heue. 13Kraung naing pa chix kieh yum mai te pa hoik rup ngu, Nawh Cao hoik rien son kix heue. 14Jhak heue, nawh yaox ti kham geu ka pa keh ka daux phimap mai nawh teei ti nghe ka krax keud sawn pa ang mhawm, lih keh ti mawh pa khi rhawm heue. 15Nawh hoik kaong daux tiex pa kied raux mai tokaux nawh deeh rau ka daux tiex pa hoik kaong nawh tiru heue. 16Krax keud sawn pa yuh nawh, pa ang mhawm deeh hoek ka piang kaing nawh mai kaing pa yuh nawh pa ang mhawm an, deeh hoek ka piang khwan kaing nawh heue. 17Phan mawh aux, tak sang yaogyaw ka Siyiex, Cao pa prawng ca pa rahsee mai rhax lai yaogyaw ka ceu kaux Siyiex pa ting lhaong khaing khawmuik heue.
Currently Selected:
YAOGYAW 7: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
