YAOGYAW 60
60
Lox Rawg Bwan Sonsang Taoh
1Siyiex eue, ka daux pa song rhawm Maix, Maix hoik tik ka ex mai ex hoik prung prang rai ruat heue. Viang mawh nan, deeh kieh ex im ju liak. 2Maix hoik kieh haktiex yung yiang mai bih, viang mawh nan, haktiex pa bih an, kieh deeh kleuk ih paox tix singip liak, kawn ca yung yiang pot heue. 3Maix hoik kieh kix kha rhawm mai hoik tawx rawm plix siiet pa chix yoek ka kix heue. 4Maix tawx chix ka pui pa lhat graung ka Maix, sonsang pak kheu sijax mukheu pa kaux heue. 5Sonsang nyawm rhawm pui pa moh ka Maix khankix mai teei taix khawn dawm Maix taoh ka pui pa nghiet lox aux khankix liak. 6Siyiex sikah ka daux pa singax singeh Nawh Cao mai aux gaux rhawm heue. Aux tak sang gwieh ka veng Shekhem heue. Aux tiag ti yaox ka tong Sukot heue. 7Aux giex kaing kwang meung Kilat heue. Meung Manashe kawx, aux giex kaing kwang kah heue. Meung Epharem mawh sibrawm kaing aux, meung Yudax mawh khaox gix min plakngai aux heue. 8Meung Mawbax mawh aw dee khoek heem aux tix, meung Edom mawh dee deuh aux kiep tix, meung Philitix mawh dee riag yo aux, kheu pa pex aux. 9Pui mawx pa sang thong aux hu ka veng pa ting riang ting rao mai pui mawx pa sang jhi daux krax hu aux ka meung Edom. 10Siyiex eue, Maix hoik tik vud ka ex ang mawh lie? 11Siyiex eue, Maix ang hu tau mai cub kru naing ex lie? Maix teem ex khaing pa khi rhawm liak mai krax taoh kawn pui mawh pa giex going heue. 12Ka daux riang rao Siyiex, ex tom koe rhawm kwa heue. Nawh mawh Cao pa tak sang dig ka piang pui pa koeng.
Currently Selected:
YAOGYAW 60: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
