YAOGYAW 143
143
Lox Rawg Bwan Sonsang Teem
1Siyiex eue, nghiet ka lox pa rawg aux bwan mai ceu pa rawg mhaing aux liak. Deeh pawk ka lox aux awm pa koe sijax mukheu mai pa rahsee Maix liak. 2Maix paw lai prawng ca aux liak, pui mawx ang ah, pui pa im ju khankix, pui pa ang koe phimap, pa rahsee sivoe ngai Maix ang koe tix kaux kawx.#Ro 3:20; Ka 2:16 3Pui pa koeng khankix, tuktiaktukte ka ju aux, dig ju aux tom hoek siglaing tiex mai kieh aux ot ka daux pa faik awm pui pa hoik rheung yum heue. 4Aux laux rhawm mai rhawm aux bih heue. 5Aux doh keuh ka singaix bawg pa hoik luan khankix dix mai keud can pa hoik yuh Maix khawmuik mai pa hoik yuh Maix ka taix tix khankix heue. 6Aux taung taix tix ka Maix heue. Mai ju aux simie ti ih Maix, awm tiex krox pa simie ti nyaux rawm heue. 7Siyiex eue, nied ti deeh pawk ka lox aux liak, aux hoik laux rhawm heue. Paw lai mox ngai Maix khaing aux, awm kix pa lih hu daux tiex heue. 8Kieh aux mhong krax caux rhawm Maix, yam ponngawb caocao liak, aux deuh rhawm ka Maix heue. Kieh Maix tawng krax hu aux liak, aux viex rhawm ti hu ka Maix heue. 9Siyiex eue, taoh aux khaing tawm taix pui pa koeng ka aux liak. Aux deuh rhawm ka Maix heue. 10Gau ka aux, sonsang chix hawt aux alo Maix liak, Maix mawh Siyiex aux heue. Kieh Khwan singax Maix thong aux hu ka dee lung dee mhawm liak. 11Siyiex eue, kieh aux im ju kheu ceu kaux Maix liak, teei ju aux lih khaing ka daux pa kha rhawm awm pa rahsee Maix liak. 12Awm koe krax caux rhawm Maix, teei ti tik pui pa koeng ka aux khawmuik mai yuh laux leeing ka pui pa tuktiaktukte ka aux khawmuik, aux mawh siliex Maix heue.
Currently Selected:
YAOGYAW 143: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
