YAOGYAW 142
142
Lox Rawg Bwan Sonsang Teem
1Aux kok yo ka Siyiex, aux rawg bwan mai kok yo ka Siyiex heue. 2Aux ah lox ngia sivoe ngai Nawh mai krai lao ceu pa kha rhawm ka sivoe ngai Nawh heue. 3Yam laux rhawm aux, Maix hoik tawng ka krax hu aux heue. Kix briex mox ti taong kie ka krax hu aux heue. 4Aux jhak ka plak taix khawn dawm mai ang yaox ka pui pa tawng aux mai ang koe krax glawd krax to, pui pa lhawk ka ju aux ka ang koe. 5Siyiex eue, aux kok yo ka Maix heue. Maix mawh dee deuh aux rhawm, sonsang pon aux ti ot meung dee ot pui pa im ju khankix heue. 6Nghiet ka lox pa kok yo aux, pui pa kha rhawm liak. Taoh aux lih khaing daux tawm taix pui pa tuktiaktukte ka aux liak. Mawh kheu kix ting riang t rao khaing aux heue. 7Taoh aux lih khaing daux thawng, sonsang pon aux ti yaogyaw ceu kaux Maix liak. Yam yuh Maix bwanson ka aux, kix pa mawh pui pa rahsee khankix, tak ot rob vung viang aux heue.
Currently Selected:
YAOGYAW 142: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
