YAOGYAW 112
112
Pa Gauxrhawm Pui Mhawm
1Pui pa lhat graung ka Siyiex mai pa gaux rhawm ka lox tawm beenli Nawh khankix, koe bwanson heue. 2Doeh ru kix ting riang rao ka piang haktiex mai can kix pa rahsee koe bwanson heue. 3Sinngao kraung khrai hoik naog ka daux nyiex nawh, bwanson pa rahsee nawh, kaux cong jheung jheung heue. 4Son pui pa rahsee khankix, pa riang lih jhan ka daux pa faik, pui pa yuh nan, koe rhawm pa chix yuh bwanson mai koe rhawm pa chix caux rhawm mai koe rhawm pa rahsee heue. 5Pui pa koe rhawm pa chix caux rhawm mai chix tawx pui yaog yaing khankix, koe bwanson heue. Phan hoek bawg yam singaix prawng ca, nawh mawh cao pa pex heue. 6Nawh ang hoek krax laux som ti bawg kawx, tak kaux cong jheung jheung mai pui pa rahsee khankix, tak mawh sonsang doh keud jheung jheung heue. 7Nawh ang lhat ka lox pa caox pa ang mhawm khankix, ka daux rhawm nawh, kaux cong ka daux Siyiex heue. 8Rhawm nawh kaux cong mai ang lhat ang graung, mawh kheu hoik tawng nawh daux rhawm tix mai pui pa koeng ka nawh khankix tak hoek krax laux krax som heue. 9Nawh hoik gwieh ti tawx ka pui pa hot sibhawm khankix mai krax pa rahsee nawh, kaux cong jheung jheung#2Kaw 9:9 mai tak yaog min plakngai nawh ting lhaong heue. 10Yam yaox pui pa ang rahsee khankix, song rhawm mai greeik rhang tix mai can kix pa ang rahsee khankix teh hu mai laux leeing grai mu heue.
Currently Selected:
YAOGYAW 112: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
