YAOGYAW 111
111
Yaogyaw Ka Siyiex
1Aux tak viex khawm rhawm khawm rhi tix yaogyaw ka bwanson Siyiex, ka dee khrawm pui pa rahsee mai sinax pui pa haoh hun khan kix heue. 2Grawng kaing ceu pa hoik yuh Siyiex, mawh pa kied ting lhaong mai can pui pa khaw rhawm khankix, viex khawm rhawm tix, chawk cheng tix sawg ka ceu an heue. 3Grawng kaing ceu pa hoik yuh Nawh khankix mawh pa grum ka min plakngai, beenli pa rahsee Nawh kaux cong jheung jheung heue. 4Nawh Cao kieh ceu pa daox am khankix, mawh son pa tak sang doh keud mai Siyiex grum koe rhawm pa chix yuh bwanson mai rhawm pa chix caux rhawm heue. 5Nawh Cao tawx ceu pa ih, ka pui pa lhat, pa nab yam ka Nawh heue. Doh keud ka sijax mukheu Nawh jheung jheung. 6Nawh Cao jhi sibrawm ka daux kaing pa yuh Nawh khankix mai teei sin pui tang ceu khankix tawx ka kix heue. 7Grawng ceu pa hoik yuh Nawh ka daux tawm taix tix khankix, mawh ceu pa dex dawd mai sijax mukheu mai pa rahsee mai lox tawm beenli Nawh khawmuik mawh pa kaux cong heue. 8Sijax mukheu Nawh mai ceu pa rahsee Nawh, kaux cong jheung jheung heue. 9Nawh Cao taoh ti teei ka pui Nawh khankix mai yuh ti deuh sijax mukheu pa kaux cong jheung jheung heue. Ceu kaux Nawh mawh pa singax singeh mai pa khaw ti lhat graung kah heue. 10Ceu pa lhat graung ka Siyiex mawh num cuyi pingnya#Bax 28:28; Kab 1:7, 9:10 heue. Pui pa hawt grawng lawng khaix lox tawm beenli khankix, mawh pui pa chix keud sawn heue. Min plakngai nawh koe jheung jheung heue.
Currently Selected:
YAOGYAW 111: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
