LOX KAB 13
13
1Kawn simex pa koe pingnya, chix nghiet ka lox pa sidiex keeing nawh, kawn simex pa nieb yuh pa ang cee ang cag, ang chix cu nghiet ka lox pa sidiex gau. 2Kawn pui yaox ti ih ka plix jheeh pa mhawm mai pui pa yuh phimap khankix, yaox ti ih ka plix pa ciyang phimap heue. 3Pui pa priex ka jheeh tix priex ka ju tix heue. Pui pa ang jheeh tix tom vieh, hoek krax laux leeing heue. 4Pui pa nieh khankix, ang pon ceu pa si mie tix tidtix, pui pa rien ti yuh kaing khankix, tak pon ka pa simie tix khawmuik heue. 5Pui rahsee khankix, koeng ka lox pie lhen. Pui pa ang rahsee khankix, yuh pa seeing brai mai hoek krax kaig tua heue. 6Ceu pa rahsee, chix priex ka pui pa rahsee. Ceu pa ang rahsee, chix kieh pui pa koe phimap goh heue. 7Pui hot sibhawm chix yuh grang tix awm pui pa mi pa koe, pui pa mi pa koe kawx chix yuh grang tix awm pui hot sibhawm heue. 8Sinngao, mau khri mawh pa taoh ka ju pui pa mi koe mai pui hot sibhawm khankix, ang mhong lox deuh phimap heue. 9Pa riang pui pa rahsee mawh krax gaux rhawm, kawk ngu pui pa ang rahsee tak yeet hu heue. 10Kheu krax ting rhawm, chix viex krax pa simah, pui pa cu nghiet ka lox sidiex gau mawh pa koe pingnya heue. 11Sinngao mau khri pa pon yie, chix deeh uik hu heue. Sinngao, mau khri pa pon ka daux pa coca, mawh pa chix haok hwan heue. 12Krax krox jun, phan rheung bawg yam chix kieh khi rhawm. Yam grum naog pa simie ti pon khankix, lih mawh khaox pa im ju heue. 13Pui pa yuh pa ang cee cag ka gumlox Nawh Cao, tak hoek krax laux leeing. Pui pa yungyi ka lox tawm beenli, tak pon pa nyawm rhawm heue. 14Lox pui pa koe pingnya, mawh rawm keut pa im ju, pa luan khaing jhawk dee yum heue. 15Pui pa koe pingnya krax tawng yung, pon plakngai, krax pui pa yuh phimap khankix, mawh krax pa nu pa khawm heue. 16Pui pa koe satix khawmuik, chix yuh kaing daux pingnya, pui caox chix kieh phimap yuh tix sidawng heue. 17Siliex pa ang rahsee, chix kieh kaing pa yuh tix laux, simiang pa yuh tang Sandaman pa kaux sijax, pon krax nyawm ot heue. 18Pui pa thiang ti tik ka lox sidiex gau, nawh tak hot sibhawm mai tak hoek krax kaig tua. Pui pa nghiet ka lox pa sidiex gau, tak pon min plakngai heue. 19Phan naog alo pa simie ti pon hoik fah rhawm heue. Ceu pa via ka phimap mawh ceu pa seeing ka pui caox khankix heue. 20Pui pa yuh paox pie ka pui pa koe pingnya, tak chix pingnya. Pui pa yuh paox pie mai pui caox, tak hoek krax laux leeing heue. 21Krax khi rhawm chix hawt khaix pui pa koe phimap. Pui rahsee khankix tak pon bwanson pa mhawm heue. 22Pui mhawm khankix, chix deuh sin, kraung khrai son kawn praix kawn saux tix heue. Sinngao, mau khri pui pa koe phimap khankix, hoik priex ti deuh son pui rahsee khankix heue. 23Pui hot sibhawm khankix, haox pa ih kheu yuh kix ma kaung heue. Viang mawh nan, kheu yuh nawh pa ang rahsee, chix hoek krax laux leeing heue. 24Pui pa ang shiao ka saux, mawh pa koeng ka kawn tix.Pui pa moh ka kawn tix, chix sidiex gau tom yam iak heue. 25Pui rahsee khankix, pon ti ih tom sak, pui pa ang rah ang see khankix, tak yaox ti kham geu ka pa cai rhawm heue.
Currently Selected:
LOX KAB 13: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
