Popular Bible Verses from LOX KAB 13

Share

Pui pa yuh paox pie ka pui pa koe pingnya, tak chix pingnya. Pui pa yuh paox pie mai pui caox, tak hoek krax laux leeing heue.

Pui pa priex ka jheeh tix priex ka ju tix heue. Pui pa ang jheeh tix tom vieh, hoek krax laux leeing heue.

Pui pa ang shiao ka saux, mawh pa koeng ka kawn tix.Pui pa moh ka kawn tix, chix sidiex gau tom yam iak heue.

Krax krox jun, phan rheung bawg yam chix kieh khi rhawm. Yam grum naog pa simie ti pon khankix, lih mawh khaox pa im ju heue.

Ceu pa rahsee, chix priex ka pui pa rahsee. Ceu pa ang rahsee, chix kieh pui pa koe phimap goh heue.

Sinngao mau khri pa pon yie, chix deeh uik hu heue. Sinngao, mau khri pa pon ka daux pa coca, mawh pa chix haok hwan heue.

Kheu krax ting rhawm, chix viex krax pa simah, pui pa cu nghiet ka lox sidiex gau mawh pa koe pingnya heue.

Pui mhawm khankix, chix deuh sin, kraung khrai son kawn praix kawn saux tix heue. Sinngao, mau khri pui pa koe phimap khankix, hoik priex ti deuh son pui rahsee khankix heue.

Kawn simex pa koe pingnya, chix nghiet ka lox pa sidiex keeing nawh, kawn simex pa nieb yuh pa ang cee ang cag, ang chix cu nghiet ka lox pa sidiex gau.

Pui pa thiang ti tik ka lox sidiex gau, nawh tak hot sibhawm mai tak hoek krax kaig tua. Pui pa nghiet ka lox pa sidiex gau, tak pon min plakngai heue.