YAWSUX 12
12
Simiang Pa Hoik Pex Mose
1Inkix mawh simiang haktiex pa hoik pex ceu pui Isarelax khankix mai haktiex pa hoik pon kix ticie ka praok plak toi rawm klawng Yawdan, ka plak dee lih singaix jah khaing rawm klawng Anon, tom hoek ka gawng Heramon mai daux lung rawm klawng Yawdan, pa koe ka plak lih singaix. 2Simiang Sihong, pa mawh simiang ceu pui Amawrix khankix, pa ot ka daux veng Heshabon mai pa kwang ka piang haktiex Gilat tix plak, khawm veng Araw tix plak, pa koe ka piang praok rawm klawng Anon, khaing daux sigreung rawm klawng an, tom hoek dee singai ka rawm klawng Yabok, pa koe hawt mee haktiex ceu pui Amawrix khankix. 3Mai daux lung daux ngawd rawm klawng Yawdan, pa koe ka plak lih singaix, khaing rawm sigrit sigra Gennisariet, tom hoek dee singai ka rawm sigrit sigra Arabax, rawm sigrit sigra kih mai daux krax hu kix ka plak veng Bietyeshimut mai ka plak seh pa koe ka greem caong gawng Pisaga. 4Simiang Awgax, khaing haktiex Bashan mai mee haktiex pa kwang nawh khankix, pa kawn mawh pa deuk khaing pui pa ting lhaong ankix, pa ot ka veng Ashatarot mai veng Edarix. 5Mai pa kwang ka piang gawng Heramon, haktiex Salakha mai ka piang haktiex Bashan khankix khawmuik, tom hoek dee singai ka hawt mee haktiex ot ceu pui Geshurix mai ceu pui Makhatix khankix mai haktiex Gilat tix plak, tom hoek dee singai ka hawt mee haktiex simiang Sihong, pa ot haktiex Heshabun khankix heue.#Si 21:21-35; Pi 2:26, 3:11 6Inkix mawh pa hoik pex Mose, pa mawh kawncau Siyiex leeing ju tau mai pui Isarelax khankix heue. Mose pa mawh kawncau Siyiex leeing ju hoik tawx ankix ka ceu pui Rubin, ka ceu pui Gat mai ka doeh ru Manashe tix plak, awm pa sang pon kix ti cie heue..#Si 32:33; Pi 3:12
Yawsux Pex Ka Simiang Hatiex
7Inkix mawh simiang haktiex pa hoik pex Yawsux mai pui Isarelax kah, ka piang praok plak in rawm klawng Yawdan, mai ka piang praok plak klip singaix, jah khaing veng Balagat, ka daux ngawd Lebanon, tom hoek dee singai ka gawng Baliet mai ka plak jee ka daux krax hu Sirax heue. Yawsux tawx ankix ka doeh ru Isarelax khankix, son pa sang pon kix ti cie, awm pa koe doeh ru kix, 8Ka daux haktiex piang gawng mai ka daux dee tiem tiex mai ka daux lung rawm klawng Yawdan mai ka plak jee haktiex mai ka daux tiag khankix mai ka daux plak seh khankix pa mawh dee ot pui Hitix, pui Amawrix, pui Khananix, pui Pherazix, pui Hiwix mai pui Yebusix khankix, 9simiang veng Yerikho tix kaux, simiang veng Ai tix kaux, pa ot hawt praok veng Betelax tix kaux, 10simiang veng Yerusaliem tix kaux, simiang Hebaron tix kaux, 11simiang veng Yamot tix kaux mai simiang veng Lakheshax tix kaux, 12simiang veng Egalon tix kaux mai simiang veng Geza tix kaux, 13simiang veng Debirax tix kaux mai, simiang veng Geda tix kaux, 14simiang veng Hawma tix kaux mai simiang veng Arat tix kaux, 15simiang veng Lipanax tix kaux mai simiang veng Adulam tix kaux, 16simiang veng Mageda tix kaux mai simiang veng Betalax tix kaux, 17simiang veng Tapua tix kaux mai simiang veng Hepha tix kaux, 18simiang veng Aphiet tix kaux mai simiang veng Lasharon tix kaux, 19simiang veng Madon tix kaux mai simiang veng Hazaw tix kaux, 20simiang veng Shimaron-meron tix kaux mai simiang veng Akhashap tix kaux, 21simiang veng Tanax tix kaux mai simiang veng Megidaw tix kaux, 22simiang veng Kedeshax tix kaux mai simiang veng Yokanam pa ot piang gawng Kharamelax tix kaux, 23simiang veng Dawrax pa ot ka dee lhaong gawng Dawrax tix kaux mai, simiang pui haktiex Gilagalax, pa mawh Gaw-eng tix kaux, 24simiang veng Tiraza tix kaux, khawmuik simiang khankix koe tixgoe tix kaux heue.
Wa Common Language Bible © Bible Society of Myanmar, 2012