YAWBAX 25
25
Grawng Rahsee Kawn Pui
1Khaix an Biladat ceu pui Shuhix pawk lox ah nin, 2“Sibrawm mai min krax lhat graung mawh cie Nawh Cao, Nawh Cao kieh pa nhim tix koe ka dee pa kied ting lhaong heue. 3Mawh sang pon simin pui tix kaux kaux ka cub kru naing Nawh Cao lie? Pa riang Nawh Cao jhan riang piang pui mawx lie? 4Sang pon rahsee pui ka plak sivoe ngai Siyiex yuh ka mawx lie? Pui pa keh khaing bun tak sang singax yuh ka mawx? 5Jhak heue, khix ang koe pa riang mai simuing khankix ang lai mawh pa singax plak sivoe ngai Nawh Cao, 6Lheu khaing an, kawn pui pa iak awm viag tix mu sang koe dee bleeh ceu tix mai kawn pui pa awm ngaw tix mu sang koe bwanson ka plak sivoe ngai Siyiex yuh ka mawx?”
Currently Selected:
YAWBAX 25: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
