HOSE 3
3
Ceu Pui Isarelax Deeh Ing Ka Siyiex
1Siyiex ah nin ka aux, “Baox deeh hu moh ka bun pa lud vao an tix kaux, pa hoik moh paox moh nawh ka, awm koe krax moh Siyiex ka ceu pui Isarelax khankix viang kix jhak simi ka siyiex tang kaux mai moh ka blah plix siiet kawx, Siyiex kawn moh ka kix heue. 2Aux hoik liag nawh hoek son Tokaux Cao Aux, ka mau kao phwan shekhe mai ka gaox nghox ca lang sidax tix Awmie plak heue. 3Aux ah nin ka nawh maix tak ot nong nong son Aux, tom nie singaix. Maix tak ang lai pon yuh bun coh kaux mai maix tak ang lai pon ti koe mex tang kaux heue. Phan yuh nan, aux tak sang pau son maix heue.” 4Grawh grawng nawh ceu pui Isarelax khankix, tak sang ot nong tix tom nie singaix ang lai koe simiang mai cao kaing mai ang lai koe krax tan pa appong mai rong simaox pa laoh lie mai ang lai koe sibex sikag mai riang grang Terap khankix heue. 5Khaix an ceu pui Isarelax khankix, tak deeh ing sawg ti yaox Siyiex, pa mawh Siyiex kix mai khawm ka Davit pa mawh simiang kix mai koe krax lhat graung ka Siyiex mai rieb ti teei bwanson Nawh ka daux baux singaix pa sang hoek khaix in heue.
Currently Selected:
HOSE 3: WCL
Highlight
Share
Copy
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012