Zacar%EDas 6
6
Ilanik pa wachij re kajib' ch'ich' b'inb'al re ch'oj
1Xwil tan chik jun ilanik pa wachij. Xwil kiwinaqirik kajib' kareta re ch'oj chkixol keb' nimaq taq jyub' re anch'ich'. 2I nab'e kareta jek'tal kumal i kaway kaq kij; i ukab' kareta jek'tal kumal i kaway eq kij; 3I urox kareta jek'tal kumal i kaway saq kij; xaq i ukaj kareta jek'tal kumal i kaway eq-oj kij.
4Xintz'onoj che i ángel chi klapan te wu': “Wajwal, ¿Wach kraj ub'ixkil iri?” 5I ángel xula' uwach chwe: “Iri are i kajib' tew chi ke'el li chwach i Ajwal i ke'e chwach i jyub' ta'aj. 6I kareta chi jek'tal kumal i kaway eq kij k-e che i tinimit pa moxab'; i kareta chi jek'tal kumal i kaway saq kij, k-e pa tinimit puqajb'al ij; i jun chik kareta chi jek'tal kumal i kaway kaqkoj kij, k-e pa tinimit wiqab'.”
7I xe'el b'i kaway kaqkoj kij lik kek'achirik re kemalkat chwach i jyub' ta'aj. I ángel xub'ij chke: “Chixmalkat chwach ronojel i jyub' ta'aj.” Ike keje ile xki'ano.
8Chrijil iri, i ángel xsik'in chwe: “¡Chawila pe', i jub'an chi xe'e pa tinimit moxab' kkiqajsaj roywal i Ajwal che i tinimit le!”
Ukojik ukoron ma Josué
9I Ajwal xub'ij i tzijoniki chwe: 10“Chamolo jun qasan chkixol i je k'amtal te b'i pa Babilonia chi ya xetzalij chaloq: Ma Heldai, ma Tobías xaq i ma Jedaías. Te'uri lik che i ij le, jat chi rachoch i ma Josías chi uk'ojol i ma Sofonías. 11Ru' i an-o'oj xaq i saq-o'oj chi xamolo, cha'ana k'iyal taq koron che, i chakojo jun che ujolom i ma Josué chi atz laj ajsujul sipon, chi uk'ojol i ma Josadac. 12I chab'ij che: I Ajwal chi ronojel ktiki che kub'ij, i achi chi ulum kb'ix che, chi kalax tan chik che i ra' xaq kuyak tan chik i rachoch i Ajwal. 13Kuyak tan chik i rachoch i Ajwal xaq kya' ni u'ij chi lik keje pacha re jun ajawinel. Kkub'i ni che i ukub'ib'al chi o u'ij re ku'at tzij, i chutzal ukub'ib'al chi o u'ij le kkub'i ni ajsujul sipon, xaq o ni chomb'al ib' chkixol ike je keb'. 14I koron le kekanaj na re kuxtab'al prachoch i Ajwal man kajwax ni che ma Heldai, ma Tobías, ma Jedaías xaq i ma Josías, chi uk'ojol ma Sofonías.”
15Kek'un ni winaq aj naj re keton chuyakik i rachoch i Ajwal; keje uri ile kiwetamaj ni yix chi are i Ajwal chi ronojel ktiki che are Ire xinutaq loq. Iri k-antaj na are kita yix uch'awb'al Iwajwal Dios xaq kixkojon ni che.
Currently Selected:
Zacar%EDas 6: ACHICUB
Highlight
Share
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
