Zacar%EDas 13
13
1Che i ij le k-on panoq kjaqtaj ni jun ralaxb'al ya, man che i ya le, kkich'aj i kimak xaq i ch'am taj chi ki'anom umuq uxikin i ma David xaq i winaq re i Jerusalén. 2Che ronojel i tinimiti lik kinsach ni uwach kib'i ni'pa taq i tiox chi xaril je antalik, man keje ile koksax ti chik ki'ij. Xaq kewesaj ni pa tinimit ni'pa taq i je profeta xaq ni'pa taq itzel taq tew. Yin in Ajwal, kinya intzij. 3Are uri, are o jun we kraj kub'ij i tzijonik, lik je are ni uqajaw uchuch kkib'ij i tziji che: “¡Yet katkam na, man kach'ob' ub'ixkil i t'oronik pacha taq are utzij i Ajwal!” ¡Lik are ni uqajaw uchuch kkipil che i ch'ich' are ku'an che rib' pacha taq profeta!
4Che i ij le, i je profeta lik kek'ix ni che wach kkil pkiwach are kkitzijoj ub'ixkil. Mijun kut'oro tupu ukojom taq u'u' re profeta, 5xwiri chkijujunal kkib'ij na: Yin in profeta taj, xa in ajchak chwach ulew. Lik are k'a in ak'al injeqom i chak pa taq es. 6I we o jun ktz'onow che: “¿Wach taq i sokonik le chi o che ach'akul le?” Ire kula' ni uwach: “Chi kachoch taq i wamiy xki'an wi chwe.”
I Ajwal lik are in-Dios
7I Ajwal chi ronojel ktiki che kub'ij:
Ch'ich' chi k'ulala o aware, chatwalij chkij i wajyu'ul chij
xaq chrij i kintowik!
¡Chakamsaj ajyu'ul chij, i jutzob'aj chij kekicher nu b'ik,
i yin kintzalij ni chu'anik k'ax chkij i ral taq chij!
8-9Kekam ni keb' tzob'aj che urox tzob'aj
chke i je o chi pa tinimiti:
Xwi kek'asi kan i urox tzob'aj.
I che i jutzob'aj le chi kkanajik
kwik'awsaj ni pa a';
kinjos-ij na pacha ujos-ixik i saq-o'oj,
kin-an ni chom che pacha u'anik chom che i an-o'oj.
Are uri ike kinkitzukuj na, i yin kinla' ni uwach chke.
Kinb'ij ni chke chi “Je intinimit”,
ike kkila' ni uwach: “I Ajwal lik are qa-Dios.”
Yin in Ajwal, kinya intzij.
Currently Selected:
Zacar%EDas 13: ACHICUB
Highlight
Share
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
