Apocalipsis 4
4
Ilik pa wachij re yijb'al ib'
1Are uri xintzun chikaj; xwil uchija re i kaj jaqalik. Xinta chik i ch'awb'al chi ch'awnaq chwe, chi pacha uch'awb'al jun trompeta. Xub'ij chwe: “Chatel li waral; yin kink'ut ni chawe wach k-an na k-on panoq.” Xub'ij.
2Are uri xk'un Lo'laj Utewal i Dios wu', xaq x-ajawin pinwi. Xwil jun kub'ib'al chi o u'ij chila chikaj, xaq xwilo chi o jun kul chupam i kub'ib'al chi o u'ij. 3I utzunb'al ire chi kul chila pa kub'ib'al chi o u'ij lik krepratik, lik pacha jun chom laj ab'aj jaspe#4.3 I ab'aj jaspe kk'ark'at ktzunik; i ab'aj cornalina kaqkoj ktzunik. Chekeb' le, lik kreprat i ktzunik. kb'ix che, o xaq pacha i jun chik ab'aj, cornalina kb'ix che. Xaq o jun xok-ab' usotom rib' chrij ukub'ib'al chi o u'ij. I xok-ab' le lik krepratik pacha i chom laj ab'aj esmeralda#4.3 I ab'aj esmeralda lik chom; rax ktzunik. kb'ix che. 4Chrij chwach i kub'ib'al chi o u'ij, xwil kajib' juwinaq (24) kikub'ib'al nimaq taq winaq chi o u'ij. Che taq i kub'ib'al le, je kul kajib' juwinaq (24) nimaq taq winaq, saq ki'u', xaq kikojom koron an-o'oj che i kijolom. 5Che i kub'ib'al chi o u'ij le, ke'el urep ray, ch'awb'al, xaq uch'awb'al jab'. Chwach i kub'ib'al chi o u'ij le, kjuluw wuqub' antorcha re a' chi je are wuqub' Lo'laj Utewal i Dios.#4.5 I tziji kk'ut chke chi lik tz'aqat Utewal i Dios. Keje usuk' i tzij le “wuqub'” pkich'ab'al i aj Israel winaq ujer. 6Chwach i kub'ib'al chi o u'ij le, xwil pacha nim laj mar; pacha ilb'al ib' ktzunik, lik k'arar uwach.
Xaq xewil kajib' chi pacha winaq ketzunik#4.6 Cf. Ezequiel 1.4-21; 10.1-14, Isaías 6.1-7. je o chrij chwach i kub'ib'al chi o u'ij, xwiri lik junwi ketzunik. Ike o kib'a'wach chkij xaq chkiwach; 7i nab'e chke, keje pacha ktzun jun koj; i ukab' chke, keje pacha ktzun jun toro; i urox, keje pacha ktzun upalaj jun winaq; i ukaj, keje pacha ktzun jun kotxik krupupik. 8Chkijujunal, o waqib' kixik'; xaq chkij chkiwach o kib'a'wach. Ike le ke'uxlan ti chub'ixkil i tziji chipa'ij, chicha'ab':
“¡Lo'laj Dios, lo'laj Dios, lo'laj Ajwal Dios
chi ronojel ktiki che.#4.8 Oxmul xub'ij jun tzij laj pacha iri: “Lo'laj Dios”. I usuk' ile ke'eloq pacha i tz'ib'tal chupam i versículo.
Ire ax o wi, xaq are o wo'or, xaq are kk'unik!”
Keje ile kkib'ij.
9-10I kajib' le lik arewi kkikoj u'ij, kkib'ij uchomal xaq kkitioxij che Ire chi kul pa kub'ib'al chi o u'ij, Ire chi k'aslik k-e ij saq chrij. Are keje kki'an ike ile, i kajib' juwinaq (24) nimaq taq winaq kexuki chwach xaq kkikoj u'ij Ire chi lik k'aslik k-e ij saq chrij. I kekik'aq b'i koron chwach i kub'ib'al chi o u'ij i kkib'ij che:
11Ajwal Dios chi qe yoj, yet kmajawik koksax a'ij,
xaq kb'ix achomal, xaq kb'ix acho'ab'.
Man yet xat-anaw ronojel ni'pa i olik;
xa rumal keje xawaj ile chi je o na, xaq je ayijb'am na.
Keje ile kkib'ij che i Dios.
Currently Selected:
Apocalipsis 4: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
