N%FAmeros 36
36
Kuxtab'al ke ixoqib'
1I aj-atzil ke i ralk'uwal ma Galaad chi lik je umuq uxikin ma Maquir, ma Manasés xaq ma José, ike le xe'e ku' ma Moisés, xaq ku' i kaj-atzil i alk'uwal ke aj Israel, xkib'ij chke:
2—Yet, ma Moisés, i Ajwal xatutaq chujachik ulew chke aj Israel ru' sakinik, ulew chi kya' ni chke chkijujunal xaq xatutaq che chi i rulew kan qachalal ma Zelofehad kaya ni chke umi'al. 3Xwiri ixoqib' we kek'uli ku' jub'an chik achiyab' aj Israel chi re jun chik tzob'ajil, i ulew chi xya' chke ike, kel uri pu'ab' qatzob'ajil yoj, k-ax ni uri pki'ab' i jutzob'aj chik chi kek'uli ixoqib' ku' le. Keje uri ile chi kok'ilal kk'am jutaq b'i' che qulew chi xjach chqe ru' sakinik. 4Are kuriq i junab' re i o'tanik pa Israel, i kulew ixoqib' le lik k-ax ni uri pki'ab' i jutzob'aj chi kek'uli ixoqib' ku' le lik re ti chik uri qatzob'ajil yoj.
5Are uri ma Moisés xu'ano chrij pacha i taqanik chi xya' che rumal i Ajwal, rumali xuya i taqaniki chke aj Israel:
—I achiyab' chi re utzob'ajil ma José lik qatzij kkib'ij. 6I je umi'al ma Zelofehad kya' ni chke rumal i Ajwal chi kek'uli ru' pachin kkaj ike, xwiri rajwaxik chi ru' jun chke i alk'uwal re kitzob'ajil ike rumal kiqajaw. 7I ulew chi xya' chiwe chijujunalil chila pa Israel, utz taj we to' k-e taq chkiwach jalajuj taq tzob'ajil, rajwaxik chi yix aj Israel kik'uxlaj uwach iwulew chi xya' chiwe rumal itzob'ajil. 8Xaq jun ixoq xab'i chitzob'ajil o wi, we kya' kan rulew, lik rajwaxik uri chi kk'uli ru' jun achi chi rach utzob'ajil, keje ile chkijujunal aj Israel kkik'uxlaj ni kulew chi xya' kan chke kumal kiqajaw kichuch. 9Mijun tzob'ajil kujalwachij taq rulew ru' jun chik tzob'ajil, rajwaxik chi jalajuj taq tzob'ajil aj Israel kkik'uxlaj i kulew chi xya'ik.
10-11I je umi'al ma Zelofehad xki'ano chrij pacha xub'ij i Ajwal che ma Moisés. I kib'i je umi'al ma Zelofehad le je are iri: Al Maala, al Tirsa, al Hogla, al Milca xaq al Noa. Ike le xek'uli ku' i kixib'al pa tzij rumal kiqajaw. 12I achiyab' le je umuq uxikin ma Manasés chi uk'ojol ma José. I kulew altom le xkanaj pu'ab' i utzob'ajil chi re kan kikan, keje ukanajik kulew i altom ile putzob'ajil kan kiqajaw.
13Are i taqanik ile xaq i atb'al tzij chi xuya i Ajwal che ma Moisés, chi xaq ma Moisés le xuya chke aj Israel are je o chila chwa taq ta'aj Moab, chutzal i raqana Jordán, chi xaq o chwach i tinimit Jericó.
Currently Selected:
N%FAmeros 36: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
