Malaqu%EDas 4

Uk'unik i ij re i Ajwal

1I Ajwal chi ronojel ktiki che kub'ij: Ya kuriq i ij, chi lik kjuluwik pacha jun orno, chi konojel i kki'an nim che kib' xaq i je utz ti laj taq winaq kejar ni pa a' pacha i k'im pa k'atsab'al re. I ij le are kk'unik lik keuk'at na, i lik mijun kkanaj chke ike. 2Xwiri chiwe yix, chi kikoj in-ij, in-atb'al tzij kwalch'in na pacha utzunb'al i ij, chi che utzunb'al rok'am li utzil wachij. Xaq yix kixsak'lin na rumal i kikotemal pacha i me' chi ke'el li pkikoral. 3Che i ij le chi kintijin chuyijb'axik, yix kiya'ya ni kiwi i utz ti laj taq winaq pacha taq uk'aj ulew.

4Chk'un chik'ux in-atb'al tzij chi xinya che i wajpatan ma Moisés chila che i jyub' Horeb. ¡Are in-atb'al tzij xaq intaqanik chi ronojel i tinimit Israel chi o te uchak kekojon che!

5Chiwila yix: Kintaq nu b'i i profeta chiwe chi are ma Elías, chuxe'el i ij re i Ajwal, chi lik are ni jun nim laj ij xaq lik xib'in ib'. 6Ire ku'an na chi qajawxelab' xaq k'ojolxelab' kkikuy ni kib' chkiwach. We kki'an ti ile kink'un na i kinya ni utojb'alil puwi kitinimit, lik kinsach ni kiwach konojel.

Currently Selected:

Malaqu%EDas 4: ACHICUB

Highlight

Copy