Lamentaciones 5
5
Ujo' o'ej
1Lik chk'un chak'ux Ajwal, wach xqak'ulmaj; chojawila pe',
chawila wach qayo'yaxik kki'ano.
2Ronojel wach o te'eq qu' wo'or is o pki'ab' aj naj;
wo'or i qachoch o pki'ab' i winaq chi qeta'am ti kiwach.
3Oj are i ak'alab' chi nti chik qaqajaw;
i qachuch xekanaj kanoq pacha je malkanib'.
4¡I qaya' lik kqalo'o;
i qasi' lik kqatojo!
5Kikojom jun yuku rij qaqul;
lik kojkosik, xwiri lik kkiya ti chqe kojuxlanik.
6Che i tinimit Egipto xaq che i tinimit Asiria
xqatz'onoj utzil i xqaqajsaj qa'ij man keje ile i tinimit le kkiya chqe wach i kqatijo.
7I qaqajaw qachuch xemakunik, xaq lik je nti chik,
xwiri yoj kojtijin chutojik kimak.
8Wo'or lik qajsam qa'ij kumal i winaq chi je o pa k'ax rumal rajaw kichak,
xaq lik mijun olik re kojresaj pki'ab'.
9Kqatij uyej pqak'aslemal rumal uriqik jun qawa
man lik o ch'oj pa tz'inilik jyub' chaqij.
10I qatz'umalil lik kjuluwik pacha jun orno,
rumal i a' tew chqij chi are i numik k-anaw chqe.
11Pa Sion xaq pa taq tinimit Judá,
ixoqib' xaq ak'alab' altom lik xqajsax ki'ij man xechap pa cho'ab'.
12I je qaj-atzil xetzayb'ax che ki'ab',
i rijab' lik xk'aq b'i ki'ij.
13I achiyab' chi lik o kicho'ab' xetaq che ke'em;
i alab'om xetzaq chuxe' ralil i si'.
14Lik nti chik rijab' xolchija re i nim laj tinimit;
lik ktataj ti chik i b'ix ke alab'om.
15Lik nti chik kikotemal pqak'ux;
i xajoj re qakikotemal xk'is pa b'is.
16Lik xtzaq li qakoron chi uchomal te'eq qajolom;
¡To' qawach yoj, chi oj makunnaq!
17Rumal ile i qanima lik iwab';
xaq rumal ile k-equmar qawach.
18I jyub' Sion lik t'ub'krijnaq pulew;
chupam lik ke'ok b'ik xaq ke'el li ixim utiw.
19Xwiri Yet, Ajwal, ronojel ij saq kat-ajawin na;
¡Lik arewi at o pa kub'ib'al chi o u'ij!
20¿B'uchak chi lik ronojel ij saq kojasachsaj chak'ux?
¿B'uchak chi lik k'iyal ij oj awo'tam?
21¡Cha'ana chqe chi kojtzalij chik awu', Ajwal, man xaq kojtzalij chik uri!
¡Cha'ana che i qak'aslemal chi k-on chik pacha ujer!
22Xwiri Yet lik qonojel oj axutum;
lik nim awoywal petnaq chqij yoj.
Currently Selected:
Lamentaciones 5: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
