Jon%E1s 2
2
Ulapanik ma Jonás ru' i Dios
1 Are uri i ma Jonás xu'an utz'onb'enik chwach i Ajwal u-Dios k'a chupam li nim laj kar, 2kub'ij:
Are in o pa b'is xinlapan awu' Ajwal,
i yet xala' uwach chwe.
Lik k'a chupam li kamik
xatin-ijla i yet xinata.
3Xinak'aq b'i k'a naj chupam uchoyil i mar,
i raqana xinub'alk'atij.
Xaq i nimaq taq ub'olol i ya
xik'aw chwij.
4Lik xinna'o chi xinawesaj chawach;
xinch'ob'o chi kwil ti chik uwach i lo'laj awachoch.
5I ya lik usutim ronojel wij;
i uchoyil i mar lik uch'uqum wij;
i es aj pa ya lik xub'ach'kitij rib' che injolom.
6Xinsach b'i k'a chupam i ulew;
¡Xinna yin lik in keje pacha jun ajprexil chi nti chik relik loq!
Xwiri yet, Ajwal, in-Dios,
xinawesaj chwach i kamik.
7Are xinna'o chi ink'aslemal ktijin usachik,
xatk'un chink'ux, Ajwal;
intz'onb'enik chawe xupon awu' k'a pa lo'laj awachoch.
8I jub'an chi keterej chkij i tiox chi xaril je antalik
kkimayij u'anik i suk'ulik chawach;
9xwiri yin, ru' ch'awb'al re utzil laj kikotemal,
kinsujuj ni sipon chawach;
kin-an na pacha insujum chawe.
¡Xwi yet Ajwal kattonik!
10Are uri i Ajwal xu'ano chi i nim laj kar xuxab'uj li ma Jonás chwach ulew chaqij.
Currently Selected:
Jon%E1s 2: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
