Jerem%EDas 24
24
Ilik pa wachij ke i chikach chi je nojnaq che i higo
1Chrijil chik relsaxik b'i ma Jeconías putinimit rumal ma Nabucodonosor, ajawinel re i tinimit Babilonia, i ma Jeconías le uk'ojol ma Joacim, chi ajawinel re i tinimit Judá, junam ku' i aj-atzil aj Judá xaq aj-anol i jalajuj taq b'iroxik pa ab'aj, xaq aj-anol lawe xaq i chapb'al uchija. Are uri i Ajwal xu'an chwe chi xwil keb' chikach nojnaq che higo chi o chwach rachoch i Ajwal. 2Jun chke i chikach le o higo chupam chi lik utz, chi lik are k-anar nab'e, xwiri i jun chik chikach lik utz ti higo o chupam, lik utz taj man utz ti ktijawik.
3I Ajwal xutz'onoj chwe: “Ma Jeremías ¿Wach kawilo?” Are uri yin xinla' uwach che: “Higo. I utz lik chomiq xwiri i utz taj, lik utz taj re ktijawik.”
4Are uri i Ajwal xub'ij chwe: 5Yin, chi in Ajwal Dios, chi in ki-Dios aj Israel, kinb'ij: Pacha utz laj taq higo kewil i winaq aj Judá, chi xewesaj b'i waral, xeintaq b'i pkitinimit aj Caldea. Lik kwil ni tob'al kiwach, 6lik keinchajij na xaq keintzalijsaj chal waral chupam i nim laj tinimiti. Chi kin-an ni chke chi ke'el ni chisaq xaq kinkamulij ti chik usachik kiwach, keintik na xwiri keinmich' ti chik.
7Kinya ni kino'oj man keje ile kketamaj na chi yin in Ajwal, ike je intinimit na xaq yin in ki-Dios na, man ketzalij chal wu' yin ru' ronojel kik'ux.
8Xwiri i ma Sedequías, ajawinel re i tinimit Judá, xaq i je aj-atzil xaq i jub'an chik chi je jeqel chila pa tinimit Jerusalén chi xekanaj kan pa tinimit, o xaq are ike chi xe'ejeqi pa Egipto, ike le keink'am na loq pacha i utz ti laj higo, chi rumal lik je utz taj ketijaw taj. 9Kin-an ni chke ike chi kuya ni nim laj xib'rikil chke konojel i nimaq taq tinimit chwach i jyub' ta'aj, chi xaq are ni ilb'al re i nim laj uqajsaxik ki'ij, kiyo'yaxik xaq i kik'oqoxik pa ronojel nimaq taq tinimit ipa xeinkichersaj wi b'i kiwach. 10Kintaq nu b'i nimaq taq ch'oj pkiwi, wa'jal xaq i itzel laj taq yob'il, k'a kekam ni konojel chi mijun kkanaj kan pa tinimit chi xinya chke ike xaq chke i katit kimam.
Currently Selected:
Jerem%EDas 24: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
