Jerem%EDas 20
20
Tzijonik re i Dios chrij ma Pasur, chi ajch'oj chrij ma Jeremías
1Xuk'ulmaj chi ma Pasur chi uk'ojol ma Imer, are ajsujul sipon te'eq, xaq aj-ok'al utzam i chak prachoch i Dios, xuta are ktijin ma Jeremías chub'ixkil i tzijonik re i Dios. 2Are uri ma Pasur le xutaq u'anik k'ax che ma Jeremías xaq xutaq uya'ik pa che' chi o chila chwach Uchija Naj Rij re ma Benjamín chi o ajsik, chi o naqaj che rachoch i Ajwal. 3Te'uri chukab' ij xutaq relsaxik ma Jeremías pa che'. Are uri ma Jeremías xub'ij che: I Ajwal xujalwachij i ab'i, kub'ij ti chik ma Pasur chawe, are kub'ij chawe ma “Magor-misabib.” 4Man i Ajwal kub'ij: Kin-an ni chawe chi ka'an ni kamik, xib'rikil, xaq chke konojel awamiy; lik chawach ketzaq ni awamiy ru' ch'ich' chi k'ulala o uware pki'ab' ajch'oj chkij. Keinjach ni konojel i winaq chi je jeqel pa Judá pu'ab' i ajawinel aj Babilonia, chi keuk'am nu b'i chila Babilonia, we ntaj keukamsaj ru' kuchil. 5Ronojel ni'pa i b'eyomal re i nim laj tinimit le xaq kinjach ni pki'ab' ajch'oj chkij, ronojel ni'pa i kulew xaq i b'iroxik chi o u'ij, xaq ronojel ni'pa i b'iroxik nim u'ij ke i ajawinelab' aj Judá, re kkik'am b'i pa Babilonia. 6Xaq yet, ma Pasur, katk'am nu b'i pa k'ax chila pa Babilonia junam ku' konojel awalk'uwal. Chila na katkam wi xaq chila katmuq wi yet xaq konojel ni'pa awamiy, chi kab'ij te'eq i tzijonik chke chi qatzij taj.
Uch'ojinik ma Jeremías chwach i Ajwal
7Ajwal, yet xinat'oro,
xaq yin xinya wib' chi xinat'oro,
lik o acho'ab' man xattiki chwe.
Ronojel ij lik in ajya'ol tzej;
konojel is kinkiyo'ya.
8Arewi are kinch'awik, lik re kinya utzijoxik
i ch'oj xaq usachik wachij,
lik arewi k'ax kech'aw chwe xaq kinkiyo'ya
man kintzijoj atzij.
9We kinb'ij: “Kinch'ob'ch'a ti chik i Ajwal,
kinlapan ti chik pub'i Ire”,
I atzij k-on uri pacha jun a' pink'ux chi kk'atanik,
chi kqaj k'a chwach inb'aqil,
lik kintij u'atixik,
xwiri kintiki ti che.
10Keinta i winaq chi kkib'ij:
“¡Lik o xib'in ib' re i kamik xaipa!”
Xaq kkib'ij: “¡Chixpetoq, jo chukojik umak!” Kecha.
Xaq keje ne wamiy kkaj ike
chi kintzaqik,
kkib'ij: Moqxa kt'ortajik, are uri yoj kojtiki che,
xaq kqa'an ni uk'exel che pacha u'anom ire chqe.
11Xwiri yet, Ajwal, at o wu' yin,
pacha jun aj-anol ch'oj chi k-an ti tikilem che;
ni'pa i kinkiterb'ej ketzaq na,
xaq ketiki ti chuqajsaxik in-ij;
ke'el ti utz ru' wach kkaj u'anik, ketzaq ni chupam i k'ixb'alil,
lik kqajsax ni ki'ij ronojel ij saq chi lik ksach taj.
12Ajwal, chi ronojel kattiki che,
Yet chi ka'an k'amb'al pamaj pusuk',
Yet chi kawilo wach o li k'a puk'ux jun winaq,
cha'ana ni chwe chi kwilo wach uya'ik utojb'alil ka'an chke i winaq le,
man ronojel ni'pa utojb'alil inya'om pa'ab'.
13¡Chib'ixaj i Ajwal, chikojo u'ij i Ajwal!
Man Ire kresaj i nib'a' pki'ab' i utz ti laj taq winaq.
14¡Lik kink'oqoj i ij chi xinalax wi!
¡Lik chk'oqtaj ni ij le are xinralaj inchuch, lik nti u'ij i ij le!
15¡Chk'oqox ni i jun chi xukikotsaj inqajaw
are xuya utzijol che chi xalax jun uk'ojol!
16¡I achi le keje na pacha i nimaq taq tinimit,
chi xusach uwach i Dios ronojel ij saq!
Chuta ni sik' re uk'axk'ol pa taq usaqirb'al
xaq utzijoxik i ch'oj are tik'il ij,
17i Ajwal xinukamsaj ti puch'akul inchuch!
Man wetene xinkamik, lik are te'eqi inchuch i jul ipa kinmuq wi te'eq,
xaq lik keje teneri xinalax yin.
18¿B'uchak xinel li puch'akul inchuch,
we xa rumal rilik i k'ax xaq i uyej,
xaq ink'aslemal to' nojnaq che i k'ixb'alil?
Currently Selected:
Jerem%EDas 20: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
