Jerem%EDas 1
1
Usik'ixik xaq upatan i ma Jeremías
1Utzij xaq u'anoj ma Jeremías, chi uk'ojol ma Hilcías. I ma Jeremías kikwenta i alk'uwal chi je ajsujul sipon chi je jeqel pa tinimit Anatot, pa kulew utzob'ajil ma Benjamín. 2I Ajwal xu'ijla ma Jeremías are o chik oxlajuj junab' che rajawinik ma Josías chi uk'ojol ma Amón, chila pa tinimit Judá. 3Xaq xu'ijla che taq i ij are ajawinel ma Joacim chila pa Judá, chi uk'ojol ma Josías, xaq k'a are xuk'is julajuj junab' ma Sedequías pa ajawinel chi xaq uk'ojol ma Josías; chi ke'eloq k'a che i ujo' ik' re i junab' le, are chi konojel i winaq chi je jeqel pa Jerusalén xe'elsax b'i pa cho'ab' chwach kulew.
I Ajwal kusik'ij ma Jeremías
4I Ajwal xinu'ijla yin, xaq xub'ij chwe:
5“Chuxe'el uya'ik ak'aslemal, yin ya at in-ulum chik,
chuxe'el awalaxik, yin at wesam chik junla,
lik in-anom chik chawe chi at profeta ke i nimaq taq tinimit.”
6Yin xinla' uwach che:
“¡Ajwal! ¡Yin lik k'a in ak'al winaq xaq kinriq ti lapanik!”
7Xwiri i Ajwal xub'ij chwe:
“Mab'ij ile chi k'a at ak'al.
Yet kat-e na ipa katintaq wi b'ik,
xaq kab'ij na wach katintaq chub'ixkil.
8Lik maxij taq awib' che jun chik,
man Yin in o awu' re katinto.
Yin, chi in Ajwal, wach kinb'ij lik kin-an na.”
9Are uri i Ajwal ru' u'ab', xuyin inchi' xaq xub'ij chwe:
10“Yin kinya intzij pachi'.
Wo'or lik kinya i atb'al tzij pa'ab'
puwi i ajawinik xaq pkiwi i nimaq taq tinimit,
re uchupik uwach xaq uk'isik uwach, re uwulijsajxik xaq re sachb'al uwach,
xwiri xaq re uyakik xaq utikik.”
11I Ajwal xinu'ijla yin xaq xub'ij chwe:
“A Jeremías, ¿Wach ile chi kawilo le?”
“Kwil jun u'ab' che' re almendro.” Are xinla'b'ej uwach che.
12“Qatzij i kab'ij le —xcha i Ajwal chwe.
Yin lik kink'ak'alij chi k-antaj na
pacha inb'im.”
13I Ajwal xinu'ijla chik yin ukamul xaq xutz'onoj chik chwe:
“¿Wach ile chi kawilo le?”
“Kwil jun b'oj kpo'ow chwi a', chi ya ktix li pa moxab'” —xincha.
14Are uri i Ajwal xub'ij chwe:
“Lik k'a chila pa moxab' ktix wi li tojpen
pkiwi konojel i winaq re i nim laj tinimiti.
15Yin, chi in Ajwal, lik kinsaqij chiwe
chi keinsik'ij konojel i ajawinelab' pa moxab'.
Kek'un ni i kajawinelab'
xaq kkikub'a ni kikub'ib'al chi o u'ij pa okb'al che i tinimit Jerusalén,
chwach ronojel ni'pa i tapial chi sutiwnaq rij
xaq chkiwach konojel ni'pa i tinimit re i Judá.
16Iri are utojb'alil chi kinya
chke ajmakib' chi xinko'taj kanoq,
chi xkiporoj pom xaq xkikoj ki'ij
i tiox chi xa je k'amtal li naj chi xa are ike je anawnaq.
17Xaq yet lik cha'ana ko che awach,
jat xaq chab'ij chke ronojel wach xatintaq yin chub'ixkil.
Maxij awib' chke, man we kakowij ti awib'
yin kin-an chawe chi lik katb'arb'at chkiwach ike.
18Yin katinkoj wo'or
pacha jun tinimit sutim rij ru' tapial nim uwach,
pacha jun aqan ch'ich',
pacha jun tapial anch'ich' nim uwach
man keje ile katak'b'a awib' chkiwach konojel i nimaq taq tinimit re i Judá:
Chkiwach i ajawinelab', je aj-atzil xaq i je ajsujul sipon, xaq chkiwach konojel i tinimit.
19Ike kki'an ni ch'oj chawij, xwiri ketiki ti chawe
man Yin in o ni awu' tob'al awe.
Yin in Ajwal, lik kin-an na wach xinb'ij.”
Currently Selected:
Jerem%EDas 1: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
