Ezequiel 2
2
I Dios kusik'ij ma Ezequiel
1Xinta jun ch'awb'al chi xub'ij chwe: “Yet, achi, chattak'aloq, man kinlapan awu'.” 2Are kintijin chutayik i ch'awb'al le, xok ucho'ab' i Ajwal pink'ux xaq xu'an chwe chi xintak'i'ik. Are uri xinta chi ch'awb'al chi kch'aw te chwe 3kumayij ti ub'ixkil: “Yet, achi, katintaq b'i ku' aj Israel, jun b'uy laj tinimit chi xinkiqel yin. Ike xaq i kimuq kixikin xkiyak kib' chwij k'a arewi che i ij wo'or. 4I kak'al lik je b'uy xaq lik ko kijolom. Rumali katintaq b'i ku' ike, re kab'ij chke: Are iri kub'ij i Ajwal. 5Tupu katkikojo o katkikoj taj, man lik je b'uy laj taq winaq, kketamaj na chi o jun profeta chkixol ike. 6Yet, achi, maxij taq awib' chke ike xaq wach kkib'ij taq chawe, tupu kana taq yet sutim awij ru' k'ix xaq at jeqel taq chkixol i sinaj. Lik maxij taq awib' wach kkib'ij chawe xaq maxij awib' wach taq ataqexik kki'ano, tupu lik je b'uy. 7Yet chatzijoj intzij chke, tupu katkikojo o katkikoj taj man lik je b'uy. 8Lik utz utayik ub'e cha'ana che wach kinb'ij chawe, ma'an taq b'uy che awib' pacha ike le. Chajaqa achi' xaq chatija wach kinya chawe.”
9Are uri xwil jun ab'aj ripan b'ik pusuk' pa in o wi yin chi uchapom jun b'orom tz'um chi o tzib' chupam. 10I ab'aj le xukir uwach chinwach yin. O tz'ib' chwach xaq i chrij: Are re o'ej, sik' re uk'axk'ol, xaq i tzij re xib'rikil.
Currently Selected:
Ezequiel 2: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
