Ezequiel 19
19
O'ej kumal i ajawinelab' re Israel
1Yet, at winaq, chab'ixaj i b'ixi re b'is chke i ajawinelab' re i tinimit Israel:
2I achuch are te jun ati koj
chi jeqel chkixol i koj.
Xu'an uk'ijib'al chkixol ike,
i chila xeuk'iysaj wi rak'al.
3Jun chke i rak'al lik utz rilik xu'ano,
lik xchomar puk'iyb'al,
xnaw chuchapik i ral taq chikop re uti',
xaq lik ke'uraqch'ij i winaq.
4Xwiri, pa nimaq taq tinimit lik xel utzijol ire le,
rumali xkichap chupam jun chapb'al,
lik utz uximik xki'an ru' xokxaq taq ch'ich',
te'uri xkicharej b'i k'a pa tinimit Egipto.
5I ati koj are xrilo
chi lik nti chik kuk'am wi ucho'ab',
are uri xuk'am jun chik chke i rak'al,
i lik utz tan chik rilik xu'ano, rumali xchomarik.
6Are xk'iyik,
kel b'ik, i kok loq, o chkixol i koj;
xaq xnaw chumutik uti' pa taq es,
xaq keutij i winaq.
7Xeuwulijsaj i nimaq taq ja ke i ajawinelab',
xu'an k'ax chke i tinimit,
ru' uch'awb'al are ksik'inik,
lik xeusiksa konojel i winaq chwach i jyub' ta'aj.
8Are uri xewalij
konojel i tinimit chrij chwach chi je o chuchi' taq ulew re tinimit,
xkikoj jun chapb'al re,
rumali xtzaq chupam.
9Are uri xkixim ru' xokxaq ch'ich',
xkimin chupam jun k'olb'al, te'uri xkik'am b'i ru' i ajawinel re i tinimit Babilonia,
chila xkimin wi prexil,
man keje ile mijun chik ktaw uch'awb'al
are ksik'in chwi taq jyub' re Israel.
10I achuch keje ktzunik pacha jun tikanb'al uva
tiktal chuchi' i raqana,
lik kuya uwach xaq lik chom rax uxaq,
mantiox che i ya man lik olik.
11I u'ab' i che' le, lik xekowirik,
chi lik xki'an kich'amiy i ajawinelab' che.
Lik xk'iyik chi xupon k'a pa sutz',
lik k-aljin rumal unajtil rij
xaq rumal i u'ab' chi lik rax uxaq.
12Xwiri lik xkimich' ru' koywal,
i xkik'aq pulew.
I tew chi xpe prelb'al ij xuchaqijsaj,
rumali xepuq uwach i uva le;
xaq xechaqij i ko laj taq u'ab',
i xkik'aq pa a'.
13Wo'or tiktal chila pa tz'inilik jyub' chaqij,
are jun ulew chaqij chi lik nti ya chwach.
14Che taq u'ab' kel li jun a'
chi kutij b'i utux xaq i uwach.
Lik nti chik u'ab' ko,
chi kki'an kich'amiy i ajawinelab' che.
Iri are jun b'ix re b'is, rumali kb'ixax na re b'ix re b'is.
Currently Selected:
Ezequiel 19: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
