Deuteronomio 34
34
Ukamik xaq umuqik ma Moisés
1 Ma Moisés xel chila chwa taq ta'aj Moab, xpaqi b'i chwi jyub' Nebo k'a xupon puwi i jyub' Pisga, chi o chwach i Jericó. Are o chila i Ajwal xuk'ut ronojel ulew che re i Galaad, k'a pa rulew ma Dan, 2rulew ma Neftalí, rulew ma Efraín, rulew ma Manasés, xaq ronojel rulew ma Judá chi kupon uchi' k'a chuchi' i mar Mediterráneo. 3Xaq xril pan ulew Neguev, uwa ta'aj Jordán xaq uwa ta'aj Jericó chi utinimital palma xaq i tinimit Zoar. 4Are uri i Ajwal xub'ij che ma Moisés:
“Iri are ulew chi xinsujuj chke mam Abraham, mam Isaac xaq mam Jacob, chi kinya ni chke kimuq kixikin. Kinya chawe chi kawil pan uwach chinaj, xwiri katok ti chwach.”
5Keje uri ile chi ma Moisés, chi rajpatan i Dios, xkam kan chila pa Moab chrij pacha ub'im i Ajwal. 6Xmuq chila che jun uwa ta'aj Moab chi o chwach i Bet-peor, che jun k'ijib'al chi mijun reta'am ipa mer xmuq wi, k'a are o wi wo'or. 7I ma Moisés o chik waqwinaq (120) junab' che are xkamik, lik k'a ktzunik xaq lik nti jun k'ax che.
8I aj Israel jun ik' xe'o' che ma Moisés chila pa tz'inilik jyub' chaqij Moab, man keje kki'an aj Israel ile are kkam jun chke. 9Are uri ma Josué, chi uk'ojol ma Nun, lik xya' retamaxik i nojb'al che rumal ma Moisés, man xuya u'ab' puwi. Rumali chi aj Israel xekojon che xaq xki'ano chrij pacha ub'im i Ajwal che ma Moisés.
10Xwiri lik xriqtaj ti chik jun profeta pa Israel keje pacha ma Moisés, chi lik xlapan ru' i Dios saqil, 11chi ku'an i nimaq taq anik xaq nimaq taq il pacha xtaqi ma Moisés chu'anik chila Egipto chrij ma faraón, chkij i raqan u'ab' xaq chkij konojel i winaq putinimit, 12xaq lik mijun xujunamsaj rib' ru' i nim laj ucho'ab' xaq mijun xu'an i nimaq taq anik pacha xu'an ma Moisés chkiwach konojel aj Israel.
Currently Selected:
Deuteronomio 34: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
