Daniel 12

Pa k'isb'al ij

1Che taq i ij le kwinaqir ni a Miguel, chi are i nim laj ángel ajchajinel re atinimit.

Are jun ij chi lik k'ax,

are ij chi nti jun ik'awnaq pacha ile,

che ni'pa kjeqanik li tinimit.

Are kuriq i ij le, konojel atinimit ketotaj na,

chi tz'ib'tal kib'i chupam i wuj.

2K'i chke i kewarik chi je muqtal pulew, kk'un ni saq chkiwach:

Jujun chke re k'aslemal chi nti uk'isik, i jub'an chik re k'ixb'alil

xaq re xib'in ib' ronojel ij saq.

3I winaq chi o kino'oj

chi xekik'am b'i i winaq che i suk'ul laj b'e,

lik kewalch'in na pacha i chom laj kaj;

¡Xaq kewalch'in na pacha i ch'umil chikaj, lik ronojel ij saq kewalch'in na!

4Xwiri yet, ma Daniel, chak'olo i tzij le ani'al xaq chatz'apij i wuj k'a kuriqa ni k'isb'al ij. Je k'i ni winaq kepe jewa xaq ke'e jela, re kkitzukuj uk'iyarsab'al kinojb'al.

5Are uri yin, ma Daniel, xwilo chi je o keb' chik achiyab' je tak'al b'ik, jujun k'ulala che uchi' i raqana. 6Jun chke i ike xutz'onoj che i achi chi ukojom u'u' re lino, chi o puwi i ya re i raqana: ¿Junpa kek'is i b'isb'al laj taq b'iroxiki? 7I achi chi ukojom u'u' re lino xuyak u'ab' chikaj i xusaqij pub'i i Dios k'aslik, xub'ij: Che i oxib' junab' ru' nik'aj, are kk'is uyej puwi ucho'ab' utinimit i Dios, are uri kk'is ni ronojel i b'iroxiki.

8Yin xinta wach i kub'ij, xwiri xinta ti ub'e. Rumali xintz'onoj che: Ajwal, ¿Wach kk'ulmaxik are keik'aw ronojel iri? 9Ire xula' uwach chwe: Mamayij ab'e ma Daniel man i tziji lik o ni uchak kuwax uwach k'a kuriq ni k'isb'al ij. 10Lik je k'i keik'aw ni che uyej chi b'italik, man lik rajwaxik chi keu'on ni ch'am xaq kesuk'i'ik anb'al chom chke. I je utz ti laj taq winaq kkimayij ti u'anik i kimak, xaq kkita ti ub'e wach kk'ulmaxik, xwiri i winaq chi o kino'oj lik kkita ni ub'e ronojel. 11Lajuj kajwinaq oxmo' (1,290) ij kik'aw na, che i ij le are kmayix uporoxik i sipon ij ij, are uri kjeqan uya'ik i ch'am ti laj taq b'iroxik prachoch i Ajwal chi lik xa kuqajsaj u'ij. 12Lik utz re i jun chi kroy-ej ru' ukub'ib'al uk'ux, k'a kik'aw ni jo'lajuj waqwinaq oxmo' (1,335) ij. 13Xwiri yet, ma Daniel, chatb'in che i k'isb'al taq a'ij xaq chatuxlanoq, man che i k'isb'al taq ij katwalij na, lik k'amb'al ni asipon.

Currently Selected:

Daniel 12: ACHICUB

Highlight

Compare

Copy