2 Juan 1
1
Rutzil wachij
1Yin in jun nim laj winaq, chi in aj-ok'al utzam che jutzob'aj re i Dios,#1.1 I mer tzij xub'ij are iri: In nim laj winaq. Keje ile xub'ij man o upatan pkiwi i jutaq tzob'aj re i Dios. kintz'ib'aj i wuji chiwe yix chi ix jutzob'aj#1.1 I mer tzij xub'ij are iri: Kintz'ib'aj i wuji che i ixoq chatal rumal i Dios, xaq chke i rak'al. re i Dios, chi chatal rumal Ire. Yix chi k'ax kixinna'o, xaq xwi ti yin k'ax kixinna'o, xaq k'ax kixkina konojel i kikojom i saq laj tzij. 2K'ax kixinna'o rumal i saq laj tzij o pqak'ux chi kk'iji qu' ronojel ij saq. 3I Dios chi Qaqajaw, xaq i Ajwal Jesucristo chi Uk'ojol, chkiya ni utz chiwe, chkila ni tob'al iwach, xaq chkiya ni uxlanb'al k'uxij chiwe. Keje ile kwaj chiwe chi lik kixterej chrij i saq laj tzij, xaq i k'axnab'al k'uxij.
I tzij pixab' re i k'axnab'al k'uxij
4Lik kinkikotik man xeinriq jujun chi je itzob'ajil yix#1.4 I mer tzij xub'ij are iri: Jujun chke awak'al. chi lik je teren chrij i saq laj tzij pacha ub'im i Ta chqe. 5Ix, wachalal chwach i Cristo, wo'or kintz'onoj utzil chomal chiwe chi k'ax chqana qib' chqawach.#1.5 Juan 13.34; 15.12,17; 1 Juan 3.11,23; 4.7,11. Iri chi kintz'ib'aj chiwe k'ak' ti tzij pixab', lik are i tzij b'ital li chqe are xqaya qib' pu'ab' i Jesucristo#1.5 I tzij le are iri: Chqaj qib' chqawach..#1.5 1 Juan 2.7; 3.11. 6I k'axnab'al k'uxij are u'anik pacha kub'ij utzij upixab' i Dios. I tzij pixab' le are itom chik yix chuxe'el loq, are i k'ax kqana qib' chqawach pa qak'aslemal.#1.6 Juan 14.15,23-24; 1 Juan 5.3.
I saqil laj kub'ib'al k'uxij che i Jesucristo
7Wo'or je k'i i ajt'oronelab' keb'in chwach i jyub' ta'aj. Ike kkib'ij chi Jesucristo, are xk'un chwach i jyub' ta'aj, lik saqil ti winaq. Pachin kk'utuw ile, xa ajt'oronel uri, xaq ajch'oj chrij i Cristo. 8Chichajij iwib' chke ike le, mixkit'oro; misach uwach i chak chi kixtijin chu'ankil. Chi'ana pen uch'akik ronojel wach usujum i Dios chiwe.
9We kikowij ti ik'ux che uk'utunik i Cristo, i Ajwal lik kujek' ni rib' uri iwu' yix. Xwiri we lik kikowij ik'ux che i uk'utunik i Cristo, i Qaqajaw Dios xaq i uk'ojol lik arewi je o uri iwu' yix. 10We o jun kupon iwu' yix, we wach kok chuk'utik chiwe keje taj pacha uk'utum i Cristo chqe, miya che kok pa ja iwu', xaq miya rutzil uwach. 11Man we kik'ulaj#1.11 I mer tzij xub'ij are iri: We kiya rutzil uwach. Keje ile xub'ij man chkiwach ike, i yab'al rutzil kiwach are utz'onoxik i utz re i Dios pkiwi. Ile kmajaw ti chke ajt'oronel. iwu', ke'eloq ix rachi'il ire che i utz taj chi ktijin chu'ankil.
K'isb'al taq tzij
12K'i i tzij k'a kwaj kinb'ij chiwe, xwiri kwaj ti kintz'ib'aj chwach wuj. Kwoy-ej na kin-eb'in iwu', te'uri kojlapan chqawach; keje ile ktz'aqat ni qakikotemal.
13I je jutzob'aj waral#1.13 I mer tzij xub'ij are iri: I je rak'al awatz chi xaq je chatal rumal i Dios. chi xaq iwachalal chwach i Cristo, chi je chatal rumal i Dios, kkitaq pan rutzil iwach. Qatzij (Amén).
Currently Selected:
2 Juan 1: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
