Looma 9
9
Nzambi na baatu ba nde hasoolo
1Ma me ndi mu undeele mali ma mbuli. Me a handi mu upfuta ve, mu toni ti me ndi itwadi na Kristo. Iluunzi hya me, itwadi na Livupu la Ngidi hili mu utiila me imbangi: 2mutima a me aluula mu lingebe li lilahi na mu munyongo wu avelefwa. 3Eye, hukiiba bubwe ti, me mba wu baasinga, na wu atahuha na Kristo mu toni libwe la baana ba ngu ba me Bayudaayo. 4Bo ni bisu Isereli: Nzambi akitusa bo baana ba nde. Nde amwese bo muyusu a nde, nde asiidi likoongo na bo, na aviidi bo Mikele, nde alahi bo buni bo baafwana uyuusa nde, na nde asiidi bo malahi.#Pal 4.22; Pfu 7.6; Ose 11.1 5Bo bali imbisa hi bakaaha ba bo, na Kristo mu bumuutu bwa nde li musi ibandu hya bo. Nde ni Nzambi wu li ŋa yulu a byosi. Nyaha ba baasyeme nde tangu yoosi. Amen!
Mambu ma Nzambi ma maavele na tsongo
6Me a handi mu undeele ve ti Mambu ma Nzambi mali ma maavele na tsongo. Ka boosi ba bali imbisa hya Yakobi a bali bisu Isereli ba mbuli ve.#Mat 23.19; Esa 55.10 7Ka a baana boosi ba Abrahami bali imbisa hya nde ve. Mu toni ati, Nzambi aleeli huli Abrahami ti: «Ni mu Isaaki we ubaha imbisa hi buuteele imbisa hi me atsi we lahi».#Ngl 3.29; 4.23; Mba 21.12; Heb 11.18 8Pila mosi ti, a baana boosi ba imbisa hya Abrahaami mu musunya bali baana ba Nzambi ve. Ndulu baana ba baabuta we bu huli lahi, bali imbisa hya nde hya mbuli. 9Nzambi aviidi lahi la nde bu: «Mu ilima hi hyuya me unzapfutaha. Na Sara ubuta mwana wa bahala.»#Mba 18.10
10Titswene, hwaba bumosi kaka mu Lebeka wu abuti mavasa ndulu na bahala limosi Isaki, kaaha a bisu. 11Abeedi kini abaabuti baana mobaana ve, na bo kaka aba kini a baavangi dyambu li libwe tso li libi ve, ŋa Nzambi hayambili huli Lebeka, mana makani ma Nzambi, ma mali we bu huli tsolili a nde makwilala. 12Makani momaana mali tsolili a nde, mo mali mbila a nde huli baatu, ka a mu mavanga ma bo ve. Nzambi aleeli huli Lebeka: «Mukulu usalila muheehe a nde.» 13We bu Mabaasonehe mali mu uleele: «Me atsooli Yakobi, ka me anyahi Esawu.»#Mba 25.23; Mal 1.2-3
14Buuna, hima lu uleelaani? Nzambi a hali wu akuha ve? Naana! 15Eye, nde aleeli huli Moose: «Me tsa kwila lingebe huli pasi wu me tondi ukwila lingebe. Me umba wu mubwe huli muutu wu me tondi ubweye na nde.»#Pal 33.19
16Ni buuna, bubwe bwa Nzambi a buli mu litondo la muutu, buve mu mifudi mya nde ve. Ka ndulu huli Nzambi wu ubaakwila baatu lingebe. 17Mu Mabaasonehe ma Ngidi, Nzambi li mu uleele huli mutumi a tsi a Ngipiti: «Me atsuusi we pfumu, mana me mwese we matwala ma me, na nduhi a me yiyabaana mu toto yoosi.»#Pal 9.16 18Ni mu buuna, Nzambi ubaakwila lingebe huli muutu wu nde atondi ukwila lingebe na nde ubaatumbasa woosi wu nde atondi utumbasa.
Kesi na kwili lingebe bya Nzambi
19Peleve we sa fuula me: «Ka muhima Nzambi ubaafwengele bisu? Na utwala ubisa mambu ma Nzambi ubaatondo?» 20Homo ati, we muutu, na we li, mu ukaakana na Nzambi? Nzungu a biinga utwala ufuula huli muyuhi a yo: «muhima we ayuha me bunuubu?»#Esa 29.16; 45.9 21Muyuhi ubaayuha mu liba, bu nde atondi uyuha. Mu liba moliina, nde utwala uyuha itehili hya tsongo buve hi hyavele a tsongo. 22Nzambi akiitondo umwese kesi na uyaabisa matwala ma nde huli bitehili bikima. Ka nde akuundi na mukami wu munene, bitehili bya kesi, bi baavangi mu utsala. 23Eye, we lima ubweleele, tso Nzambi asiidi buuna, mu umwese busina bu muyusu a nde huli bitehili bi nde hakwili lingebe. Bitehili bi nde hatswamini uvangimasa mu toni muyusu a nde.
24Baatu mo ni bisu. Bisu ba nde hateeli, a ndulu ba ŋa hati li Bayudaayo ve, ka napa ba ŋa hati la babaavele Bayudaayo. 25Ni mambu momaana Nzambi ali mu uleele mu libuuku li mumbihuli Oseya:
«Baatu ba baaba baavele ba ibandu hya me,
me tsa teele bo ibandu hya a me,
na tsi yi me akapeletondo,
me tsa teele yo tsi yi me atondo huulahi.
26Na hu baaleeli bo: “Benu a lili ibandu hya me ve”,
sa bateele bo baana ba Nzambi a monyi»#9.25-26 v. 25Ose 2.25v. 26Ose 2.1..
27Mu ma matali baatu ba Isereli, mumbihuli Esaya li mu uyaabisa: «Ka tso bisu Isereli bali bulahi we musyeŋunyu mu muvanga mubu, ka ndulu baatu hoole ba busaala ŋa hati la bo, bu uyoboho. 28Mambu ma Pfumu haleeli, nde sa avangimasa mo mosi mu mawasa ŋa toto.» 29Na we bu Esaya mo hatswamini uleele:
«Tso Pfumu a tsi yoosi a haasiisi bisu mwa bateehudu ba imbisa hya benu ve,
bisu laakinyambaana we musyenge a Sodoomo,
na baakisyembe bisu we musyenge a Ngomooro!»
Nzambi ubaakuhasa ba bubaasa Yisu imiinu
30Hima luleele mu tangu yi? Bunuubu: baatu ba matsi makima ba baavelesaha uba ba butsiitsa ŋa busu bwa Nzambi, baaka ba butsiitsa ŋa busu bwa nde mu imiinu; 31ka ba ibandu hya Isereli ba baakasaha uba ba butsiitsa ŋa miisu ma Nzambi mu likumbasa li Mikele, a baatwali ukiinza Mikele ve. 32Mu ki toni? Mu toni ati bo a baakasaha uba ba butsiitsa mu imiinu ve, ka mu mavanga. Bo baayakubaana manya li libaabwisa baatu, 33we bu ma Baasonehe ma Ngidi mali mu uleele:
«Me ndi mu utsusa mu musyenge a Syoni,
manya li libaakubasa baatu baku,
manya li linene li libaabwisa baatu.
Ka pasi muutu wu usa imiinu mu nde,
a humono tsonyi ve#Esa 8.14-15 .»
Currently Selected:
Looma 9: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Looma 9
9
Nzambi na baatu ba nde hasoolo
1Ma me ndi mu undeele mali ma mbuli. Me a handi mu upfuta ve, mu toni ti me ndi itwadi na Kristo. Iluunzi hya me, itwadi na Livupu la Ngidi hili mu utiila me imbangi: 2mutima a me aluula mu lingebe li lilahi na mu munyongo wu avelefwa. 3Eye, hukiiba bubwe ti, me mba wu baasinga, na wu atahuha na Kristo mu toni libwe la baana ba ngu ba me Bayudaayo. 4Bo ni bisu Isereli: Nzambi akitusa bo baana ba nde. Nde amwese bo muyusu a nde, nde asiidi likoongo na bo, na aviidi bo Mikele, nde alahi bo buni bo baafwana uyuusa nde, na nde asiidi bo malahi.#Pal 4.22; Pfu 7.6; Ose 11.1 5Bo bali imbisa hi bakaaha ba bo, na Kristo mu bumuutu bwa nde li musi ibandu hya bo. Nde ni Nzambi wu li ŋa yulu a byosi. Nyaha ba baasyeme nde tangu yoosi. Amen!
Mambu ma Nzambi ma maavele na tsongo
6Me a handi mu undeele ve ti Mambu ma Nzambi mali ma maavele na tsongo. Ka boosi ba bali imbisa hya Yakobi a bali bisu Isereli ba mbuli ve.#Mat 23.19; Esa 55.10 7Ka a baana boosi ba Abrahami bali imbisa hya nde ve. Mu toni ati, Nzambi aleeli huli Abrahami ti: «Ni mu Isaaki we ubaha imbisa hi buuteele imbisa hi me atsi we lahi».#Ngl 3.29; 4.23; Mba 21.12; Heb 11.18 8Pila mosi ti, a baana boosi ba imbisa hya Abrahaami mu musunya bali baana ba Nzambi ve. Ndulu baana ba baabuta we bu huli lahi, bali imbisa hya nde hya mbuli. 9Nzambi aviidi lahi la nde bu: «Mu ilima hi hyuya me unzapfutaha. Na Sara ubuta mwana wa bahala.»#Mba 18.10
10Titswene, hwaba bumosi kaka mu Lebeka wu abuti mavasa ndulu na bahala limosi Isaki, kaaha a bisu. 11Abeedi kini abaabuti baana mobaana ve, na bo kaka aba kini a baavangi dyambu li libwe tso li libi ve, ŋa Nzambi hayambili huli Lebeka, mana makani ma Nzambi, ma mali we bu huli tsolili a nde makwilala. 12Makani momaana mali tsolili a nde, mo mali mbila a nde huli baatu, ka a mu mavanga ma bo ve. Nzambi aleeli huli Lebeka: «Mukulu usalila muheehe a nde.» 13We bu Mabaasonehe mali mu uleele: «Me atsooli Yakobi, ka me anyahi Esawu.»#Mba 25.23; Mal 1.2-3
14Buuna, hima lu uleelaani? Nzambi a hali wu akuha ve? Naana! 15Eye, nde aleeli huli Moose: «Me tsa kwila lingebe huli pasi wu me tondi ukwila lingebe. Me umba wu mubwe huli muutu wu me tondi ubweye na nde.»#Pal 33.19
16Ni buuna, bubwe bwa Nzambi a buli mu litondo la muutu, buve mu mifudi mya nde ve. Ka ndulu huli Nzambi wu ubaakwila baatu lingebe. 17Mu Mabaasonehe ma Ngidi, Nzambi li mu uleele huli mutumi a tsi a Ngipiti: «Me atsuusi we pfumu, mana me mwese we matwala ma me, na nduhi a me yiyabaana mu toto yoosi.»#Pal 9.16 18Ni mu buuna, Nzambi ubaakwila lingebe huli muutu wu nde atondi ukwila lingebe na nde ubaatumbasa woosi wu nde atondi utumbasa.
Kesi na kwili lingebe bya Nzambi
19Peleve we sa fuula me: «Ka muhima Nzambi ubaafwengele bisu? Na utwala ubisa mambu ma Nzambi ubaatondo?» 20Homo ati, we muutu, na we li, mu ukaakana na Nzambi? Nzungu a biinga utwala ufuula huli muyuhi a yo: «muhima we ayuha me bunuubu?»#Esa 29.16; 45.9 21Muyuhi ubaayuha mu liba, bu nde atondi uyuha. Mu liba moliina, nde utwala uyuha itehili hya tsongo buve hi hyavele a tsongo. 22Nzambi akiitondo umwese kesi na uyaabisa matwala ma nde huli bitehili bikima. Ka nde akuundi na mukami wu munene, bitehili bya kesi, bi baavangi mu utsala. 23Eye, we lima ubweleele, tso Nzambi asiidi buuna, mu umwese busina bu muyusu a nde huli bitehili bi nde hakwili lingebe. Bitehili bi nde hatswamini uvangimasa mu toni muyusu a nde.
24Baatu mo ni bisu. Bisu ba nde hateeli, a ndulu ba ŋa hati li Bayudaayo ve, ka napa ba ŋa hati la babaavele Bayudaayo. 25Ni mambu momaana Nzambi ali mu uleele mu libuuku li mumbihuli Oseya:
«Baatu ba baaba baavele ba ibandu hya me,
me tsa teele bo ibandu hya a me,
na tsi yi me akapeletondo,
me tsa teele yo tsi yi me atondo huulahi.
26Na hu baaleeli bo: “Benu a lili ibandu hya me ve”,
sa bateele bo baana ba Nzambi a monyi»#9.25-26 v. 25Ose 2.25v. 26Ose 2.1..
27Mu ma matali baatu ba Isereli, mumbihuli Esaya li mu uyaabisa: «Ka tso bisu Isereli bali bulahi we musyeŋunyu mu muvanga mubu, ka ndulu baatu hoole ba busaala ŋa hati la bo, bu uyoboho. 28Mambu ma Pfumu haleeli, nde sa avangimasa mo mosi mu mawasa ŋa toto.» 29Na we bu Esaya mo hatswamini uleele:
«Tso Pfumu a tsi yoosi a haasiisi bisu mwa bateehudu ba imbisa hya benu ve,
bisu laakinyambaana we musyenge a Sodoomo,
na baakisyembe bisu we musyenge a Ngomooro!»
Nzambi ubaakuhasa ba bubaasa Yisu imiinu
30Hima luleele mu tangu yi? Bunuubu: baatu ba matsi makima ba baavelesaha uba ba butsiitsa ŋa busu bwa Nzambi, baaka ba butsiitsa ŋa busu bwa nde mu imiinu; 31ka ba ibandu hya Isereli ba baakasaha uba ba butsiitsa ŋa miisu ma Nzambi mu likumbasa li Mikele, a baatwali ukiinza Mikele ve. 32Mu ki toni? Mu toni ati bo a baakasaha uba ba butsiitsa mu imiinu ve, ka mu mavanga. Bo baayakubaana manya li libaabwisa baatu, 33we bu ma Baasonehe ma Ngidi mali mu uleele:
«Me ndi mu utsusa mu musyenge a Syoni,
manya li libaakubasa baatu baku,
manya li linene li libaabwisa baatu.
Ka pasi muutu wu usa imiinu mu nde,
a humono tsonyi ve#Esa 8.14-15 .»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.