Looma 8
8
Udyata mu Livupu la Nzambi
1Bunuubu, boosi ba baabambana na Yisu Kristo a bubweyaka tsyembili ve. 2Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu. 3Mambu ma Mikele mya Moose myakaveletwala uvanga, mu toni ikolili hi bumuutu, Nzambi avangi mo. Nde atsindihi Mwana a nde mu uba monyi mu linyutu li musunya, mana nde amaasa mukele lisumu, na uva lisumu tyembili mutso a nyutu. 4Nzambi hasidi buuna, mana nde akuhasa mambu moosi ma butsiitsa ma Mikele mili mu utuma bisu. Mambu momaana, maafwana uvangama mu bisu ba laabweveledyata mu matsimi ma imuutu, ka ba lili mu udyata mu Livupu la Ngidi. 5Eye, ba bali mu udyata mu matsimi ma imuutu, bo bubaasalila manzala ma musunya, ka ba bali monyi mu Livupu la Ngidi, bali mu usalila manzala ma Livupu. 6Manzala ma musunya mubaabita hu lipfu. Ka usalila manzala ma Livupu, hubaava monyi na hyenze. 7Boosi ba bali hutsina lituma li manzala ma imuutu, bali baboho ba Nzambi. Mu toni ati, bo a bubaasiingala Mikele mya Nzambi ve, na a bubaatwala tso hoole ve. 8Ni mu buuna, ba bali hutsina lituma li musunya, utwala umwese Nzambi kinya ve.
9Ka benu, benu a lili mu udyata hutsina lituma li musunya ve. Benu lili mu udyata mu Livupu la Nzambi, mu toni ati Livupu la Nzambi lili mu benu. Muutu wu avele na Livupu la Kristo, a hali wa nde ve. 10Tso Kristo li mu benu, nyutu a benu sa yikwa hwa yo mu toni masumu, ka Livupu lili mu uva benu monyi, mu toni ati ba miikitusa benu ba tsiitsa ŋa busu bwa Nzambi. 11Tso Livupu la Nzambi, wuuna wu asuula Yisu ŋa hati la babakwa lili mu benu, Nzambi wuuna wu asuula Kristo ŋa hati la babakwa, sa ava kaka monyi huli nyutu a benu yi yukwa mu Livupu la nde li lili mu benu.
12Ni mu buuna baana ba ngu, bisu a benu lili na mukanu. Ka a hali mukanu manzala ma linyutu mu udyata mu imuutu ve. 13Mu toni ati, tso benu lidyati mu manzala ma benu ma imuutu, benu sa likwa. Ka mu likumbasa li Livupu la Ngidi, tso benu lidubi mavanga mamabi ma benu libaasa mu nyutu a benu, benu sa liba monyi. 14Ni mu buuna, baatu boosi ba Livupu la Nzambi libaasungaha, bali baana ba Nzambi. 15Mu mbuli, Livupu li benu laayaka, a lili livupu li luukitusa benu baviha na li luubweluusa benu mu boomo ve. Ka ni Livupu la Ngidi li libaamwese ti benu aka baana ba Nzambi, na li libaava bisu muswa mu ufulaha huli Nzambi: «Aba!» Mbindulili ti «Taata!» 16Livupu la Ngidi libaata imbangi lo mwakulu huli livupu la bisu ti, bisu lili baana ba Nzambi. 17Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.
Muyusu wa hu busu
18Me ndi mu utsima ti, utwala uyelemese mapasi ma tangu moyiniiyi na muyusu a hu busu, wu Nzambi humwese bisu pa yalala ve. 19Ka byosi bi Nzambi havanga, bili mu ukeele na lehemene, tangu yi Nzambi humwese muyusu a baana ba nde. 20Buuna byosi bi nzambi havanga, byaaka hutsina matwala ma mifudi mi myavele a kaluha. Byo byaaka buuna, a ni mu litondo la byo mwakulu ve, ka mu litondo la Nzambi. Ka hiitu hili hwa hyo. 21Hiitu ni ti, ilumbu Nzambi uva bunyanga mu bi nde havanga, mu buviha bu matwala ma mutsali a byo. Na byo sa bibaha muyusu wu bunyanga bwa baana ba Nzambi. 22Ka, bisu liyabi ti nate loloyi, byosi bi Nzambi havanga, bili mu ubima na umono pasi, we mukaasu nga misoongo. 23Ka ndulu a byosi bi Nzambi havanga bili mu ubima ve. Bisu kaka laaka na Livupu la Ngidi, we kabu latsomi li bungodu bu Livupu bu Nzambi hasiidi lahi. Bisu kaka lili mu ubima hutso mitima, tswamina Nzambi akitusa bisu baana ba nde na uva bunyanga mu nyutu a bisu mu mapasi. 24Ka bisu lamiiyoboho ndulu mu hiitu. Bi muutu ali mu umono, utwala ubweba hiitu ve. Bi bali mu umono, utwala ubwesa hiitu mu byo? 25Ka tso bisu libaasa hiitu mu bi laavelemono, bisu libaakeele byo na isuusi hyosi.
26Bumosi kaka, Livupu la Ngidi libaaya mu ukumbasa bisu, mu toni ati, bisu lili na ikolili. Buuna, bisu a liyaabi usambila we bu hwafwana ve. Ka Livupu lo mwakulu libaasambila Nzambi mu toni a bisu na nzayiini, yi pasi muutu huveletwala uyaabisa. 27Na Nzambi wu ubaafundala idongi hi mitima, ubaabangula ma Livupu la Ngidi ubaatondo uvondo. Mu toni ati, Livupu libaasambila mu ba nde, we bu Nzambi ubaatondo.
28Bisu liyaabi ti pasi bisiha bibaavangama mu libwe la ba baatondo Nzambi, na ba nde hateele we bu huli kesili a nde. 29Buuna, mu baatu ba Nzambi hatswanimi usoolo, nde atswamini uvolo kesili mu ufwanisa bo na Mwana a nde, mana nde aba pasa-bibelo ŋa hati la baana ba ngu ba balahi. 30Baatu ba Nzambi hatswamini usoolo, nde ateeli kaka bo. Ba nde hateeli, nde akitusi bo kaka ba butsiitsa ŋa busu bwa nde, ba nde hakitusi ba butsiitsa, nde aviidi bo kabu li muyusu a nde.
Bunene bu litondo la Nzambi
31Buuna hima lubwelelaani?
Tso Nzambi li wa bisu,
na utwala uvanga bisu li libi?
32Nde wu avelitahula Mwana a nde mwakulu,
ka nde ayehuli nde mu bisu boosi,
buni nde huveleva bisu byosi itwadi na Mwana a nde?
33Na uyakese ba Nzambi hasoolo?
Muutu ve! Mu toni ati, Nzambi li mu ukitusa bo ba butsitsa.
34Ka na utwala usyembe bo?
Muutu ve, mu toni ati Yisu Kristo miikwa,
titswene nde miisuuha, nde li ŋa mbahala a Nzambi.
Na nde li mu usambila mu bisu!
35Na utwala utahula bisu na litondo la Kristo?
Mapasi, minyongi, mbingisili, nzala, pene, busisu vo lipfu?
36We bu Ma baasonehe mali mu uleele:
«Mu toni a we, bali mu uyeholo bisu mu lipfu pasi ilumbu,
bali mu uvolo bisu we mandombo ma bali mu ubita hu uhehe#Mkg 44.23 .»
37Ka mu mambu momaana moosi, bisu laafulala mbiingili mu toni a nde wuuna wu atondo bisu.
38Eye, me ndi na tadi ti,
a hu li na dyambu tso limosi,
li luutwala utahula bisu na litondo la nde ve:
tso lipfu, tso monyi,
tso bapofi, tso bipfumu,
tso tangu a loloyi,
tso tangu yi yili mu uya,
tso matwala ma pila mu pila,
39tso matwala ma hu yulu, tso ma ŋa toto,
tso pasi iloho hi Nzambi havanga,
isiha tso imosi utwala utahula bisu na litondo,
li Nzambi hamwesi bisu mu Yisu Kristo Pfumu a bisu ve.
Currently Selected:
Looma 8: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Looma 8
8
Udyata mu Livupu la Nzambi
1Bunuubu, boosi ba baabambana na Yisu Kristo a bubweyaka tsyembili ve. 2Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu. 3Mambu ma Mikele mya Moose myakaveletwala uvanga, mu toni ikolili hi bumuutu, Nzambi avangi mo. Nde atsindihi Mwana a nde mu uba monyi mu linyutu li musunya, mana nde amaasa mukele lisumu, na uva lisumu tyembili mutso a nyutu. 4Nzambi hasidi buuna, mana nde akuhasa mambu moosi ma butsiitsa ma Mikele mili mu utuma bisu. Mambu momaana, maafwana uvangama mu bisu ba laabweveledyata mu matsimi ma imuutu, ka ba lili mu udyata mu Livupu la Ngidi. 5Eye, ba bali mu udyata mu matsimi ma imuutu, bo bubaasalila manzala ma musunya, ka ba bali monyi mu Livupu la Ngidi, bali mu usalila manzala ma Livupu. 6Manzala ma musunya mubaabita hu lipfu. Ka usalila manzala ma Livupu, hubaava monyi na hyenze. 7Boosi ba bali hutsina lituma li manzala ma imuutu, bali baboho ba Nzambi. Mu toni ati, bo a bubaasiingala Mikele mya Nzambi ve, na a bubaatwala tso hoole ve. 8Ni mu buuna, ba bali hutsina lituma li musunya, utwala umwese Nzambi kinya ve.
9Ka benu, benu a lili mu udyata hutsina lituma li musunya ve. Benu lili mu udyata mu Livupu la Nzambi, mu toni ati Livupu la Nzambi lili mu benu. Muutu wu avele na Livupu la Kristo, a hali wa nde ve. 10Tso Kristo li mu benu, nyutu a benu sa yikwa hwa yo mu toni masumu, ka Livupu lili mu uva benu monyi, mu toni ati ba miikitusa benu ba tsiitsa ŋa busu bwa Nzambi. 11Tso Livupu la Nzambi, wuuna wu asuula Yisu ŋa hati la babakwa lili mu benu, Nzambi wuuna wu asuula Kristo ŋa hati la babakwa, sa ava kaka monyi huli nyutu a benu yi yukwa mu Livupu la nde li lili mu benu.
12Ni mu buuna baana ba ngu, bisu a benu lili na mukanu. Ka a hali mukanu manzala ma linyutu mu udyata mu imuutu ve. 13Mu toni ati, tso benu lidyati mu manzala ma benu ma imuutu, benu sa likwa. Ka mu likumbasa li Livupu la Ngidi, tso benu lidubi mavanga mamabi ma benu libaasa mu nyutu a benu, benu sa liba monyi. 14Ni mu buuna, baatu boosi ba Livupu la Nzambi libaasungaha, bali baana ba Nzambi. 15Mu mbuli, Livupu li benu laayaka, a lili livupu li luukitusa benu baviha na li luubweluusa benu mu boomo ve. Ka ni Livupu la Ngidi li libaamwese ti benu aka baana ba Nzambi, na li libaava bisu muswa mu ufulaha huli Nzambi: «Aba!» Mbindulili ti «Taata!» 16Livupu la Ngidi libaata imbangi lo mwakulu huli livupu la bisu ti, bisu lili baana ba Nzambi. 17Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.
Muyusu wa hu busu
18Me ndi mu utsima ti, utwala uyelemese mapasi ma tangu moyiniiyi na muyusu a hu busu, wu Nzambi humwese bisu pa yalala ve. 19Ka byosi bi Nzambi havanga, bili mu ukeele na lehemene, tangu yi Nzambi humwese muyusu a baana ba nde. 20Buuna byosi bi nzambi havanga, byaaka hutsina matwala ma mifudi mi myavele a kaluha. Byo byaaka buuna, a ni mu litondo la byo mwakulu ve, ka mu litondo la Nzambi. Ka hiitu hili hwa hyo. 21Hiitu ni ti, ilumbu Nzambi uva bunyanga mu bi nde havanga, mu buviha bu matwala ma mutsali a byo. Na byo sa bibaha muyusu wu bunyanga bwa baana ba Nzambi. 22Ka, bisu liyabi ti nate loloyi, byosi bi Nzambi havanga, bili mu ubima na umono pasi, we mukaasu nga misoongo. 23Ka ndulu a byosi bi Nzambi havanga bili mu ubima ve. Bisu kaka laaka na Livupu la Ngidi, we kabu latsomi li bungodu bu Livupu bu Nzambi hasiidi lahi. Bisu kaka lili mu ubima hutso mitima, tswamina Nzambi akitusa bisu baana ba nde na uva bunyanga mu nyutu a bisu mu mapasi. 24Ka bisu lamiiyoboho ndulu mu hiitu. Bi muutu ali mu umono, utwala ubweba hiitu ve. Bi bali mu umono, utwala ubwesa hiitu mu byo? 25Ka tso bisu libaasa hiitu mu bi laavelemono, bisu libaakeele byo na isuusi hyosi.
26Bumosi kaka, Livupu la Ngidi libaaya mu ukumbasa bisu, mu toni ati, bisu lili na ikolili. Buuna, bisu a liyaabi usambila we bu hwafwana ve. Ka Livupu lo mwakulu libaasambila Nzambi mu toni a bisu na nzayiini, yi pasi muutu huveletwala uyaabisa. 27Na Nzambi wu ubaafundala idongi hi mitima, ubaabangula ma Livupu la Ngidi ubaatondo uvondo. Mu toni ati, Livupu libaasambila mu ba nde, we bu Nzambi ubaatondo.
28Bisu liyaabi ti pasi bisiha bibaavangama mu libwe la ba baatondo Nzambi, na ba nde hateele we bu huli kesili a nde. 29Buuna, mu baatu ba Nzambi hatswanimi usoolo, nde atswamini uvolo kesili mu ufwanisa bo na Mwana a nde, mana nde aba pasa-bibelo ŋa hati la baana ba ngu ba balahi. 30Baatu ba Nzambi hatswamini usoolo, nde ateeli kaka bo. Ba nde hateeli, nde akitusi bo kaka ba butsiitsa ŋa busu bwa nde, ba nde hakitusi ba butsiitsa, nde aviidi bo kabu li muyusu a nde.
Bunene bu litondo la Nzambi
31Buuna hima lubwelelaani?
Tso Nzambi li wa bisu,
na utwala uvanga bisu li libi?
32Nde wu avelitahula Mwana a nde mwakulu,
ka nde ayehuli nde mu bisu boosi,
buni nde huveleva bisu byosi itwadi na Mwana a nde?
33Na uyakese ba Nzambi hasoolo?
Muutu ve! Mu toni ati, Nzambi li mu ukitusa bo ba butsitsa.
34Ka na utwala usyembe bo?
Muutu ve, mu toni ati Yisu Kristo miikwa,
titswene nde miisuuha, nde li ŋa mbahala a Nzambi.
Na nde li mu usambila mu bisu!
35Na utwala utahula bisu na litondo la Kristo?
Mapasi, minyongi, mbingisili, nzala, pene, busisu vo lipfu?
36We bu Ma baasonehe mali mu uleele:
«Mu toni a we, bali mu uyeholo bisu mu lipfu pasi ilumbu,
bali mu uvolo bisu we mandombo ma bali mu ubita hu uhehe#Mkg 44.23 .»
37Ka mu mambu momaana moosi, bisu laafulala mbiingili mu toni a nde wuuna wu atondo bisu.
38Eye, me ndi na tadi ti,
a hu li na dyambu tso limosi,
li luutwala utahula bisu na litondo la nde ve:
tso lipfu, tso monyi,
tso bapofi, tso bipfumu,
tso tangu a loloyi,
tso tangu yi yili mu uya,
tso matwala ma pila mu pila,
39tso matwala ma hu yulu, tso ma ŋa toto,
tso pasi iloho hi Nzambi havanga,
isiha tso imosi utwala utahula bisu na litondo,
li Nzambi hamwesi bisu mu Yisu Kristo Pfumu a bisu ve.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.