Looma 10
10
1Baana ba ngu, me ndi mu utsaha mu mutima a me woosi, na li me umbaapondo tangu yoosi mu masambulu ma me, ni ti bisu Isereli bayoboho. 2Na me umbaatiila bo imbangi mo hinihi: Bo bali na lehemene li linene mu Nzambi, ka lehemene la bo a laayaluha mu nzabili ve. 3Ni mu buuna, bo a baatsikaha buni Nzambi ubaasa ti baatu baba ba butsiitsa ŋa busu bwa nde ve. Na bo ubaasaha ma bo mwakulu manzila ma uba butsiitsa. Ni buuna, bo a baasiingala nzila yi Nzambi hasalila mu ubita baatu mu uba ba butsiitsa ve. 4Mu toni ati, Kristo ni kaluha Mikele mya Moose, mana boosi ba nga imiinu mu Yisu, baba ba butsiitsa ŋa busu bwa Nzambi.
Boosi ba buuteele Pfumu sa bayoboho
5Moose asonihi bunuubu, mu toni butsiitsa bu bubaamata mu Mikele: «Muutu wu li mu usalila bu huli matumili ma Mikele, sa aba monyi mu mo#Lev 18.5 .» 6Ka mono buni butsiitsa bu bubaamata mu imiinu buli mu uleele: «A haleele hutso mutima a we: Na uvata hu yulu#Pfu 30.12 ?» Mbindulili ni ti: mu usutasa Kristo. 7A haleele kaka ve: «Na ukulamana nate hutso a mbeenge ya doheselee#10.7 mbeenge ya doheselee Mbeenge yi baavele mono hu yaasuka.» (mbindulili ni ti: mu upalisa Kristo ŋa hati la babaakwa). 8Nde buni ali mu uleele? Bunuubu: «dyambu labaambana na we, mu munywa na mu mutima a we#Pfu 9.4; 30.12-14» (mbindulili ni ti: liina ni dyambu li imiinu li bisu libaalongese). 9Tso we li mu usilasa buuna mu munywa a we ŋa busu bwa boosi ti Yisu ni Pfumu, na tso we li mu usa imiinu mu mutima a we woosi ti Nzambi asuula nde ŋa hati la ba baakwa, we sa yoboho. 10Mu toni ati, wu ubaasa imiinu mutso mutima a nde Nzambi ukitula nde wa tsiitsa. Wu ubaasilasa mu munywa a nde, Nzambi uyobolo nde. 11Ni mu buuna ma baasonehe ma Ngidi mali mu uleele: «Woosi wu ubaasa imiinu mu nde, a humono tsonyi ve#Esa 28.16 .» 12A huli na lisobosono ŋa hati li Bayudaayo na ba baavele Bayudaayo ve: bo boosi Pfumu mumosi wu ubava busina bwa nde huli boosi ba bubaateele nde. 13Mu toni ati, Mabaasonehe ma Ngidi mali mu uleele: «woosi wu uteele Pfumu mbila, sa ayoboho.»#Yoe 3.5
14Ka buni bo buuteele mbila huli wu bo baavelesa imiinu mu nde? Na buni bo buusa imiinu hwavele uyuha tsangu a nde? Na buni bo buuyuha tsangu a nde hwavele milongisi? 15Buni milongisi myusoloho tso a batsindihi myo ve? We bu Mabaasonehe ma Ngidi mali mu uleele: «Miilu mya bo mili mi mibwe, bo baana ba bali mu uyaabisa misamu mi mibwe#Esa 52.7!» 16Ka boosi a baasiingala Musamu wu Mubwe ve. Na mumbihuli Esaya atswamini ufuula: «Pfumu, na asa imiinu mu musamu wu bisu lili mu uyabisa#Esa 53.1?» 17Ni mu buuna, imiinu ubaamata mu mambu ma bubaayuha, na mambu ma bubaayuha ubaamata mu mambu ma Kristo.
Nzambi a hanyasula baatu ba nde ve
18Buuna me ndi mu upfuula: Bayudaayo a baayuhi musamu mo wuuna ve? Eye, bo baayuhi nde! Mu toni ati, Mabaasonehe ma Ngidi mali mu uleele:
«Ndaha a bo yaayuhini mu toto yoosi,
na mambu ma bo baalongisi,
maamiito nate hu tsi yaasuka.»
19Me ndi mu umbwepfuula: baatu ba Isereli kini a baatsikaha ve? Moose aba ni muutu wa tsomi mu ufutala mvutu:
«Me utsa ti benu liba na likwabi
mu ibandu hi bangooyi, huleeli Nzambi,
me utsimbalala kesi a benu mu baatu ba baavele na buyedi.»
20Esaya aleeli na butuuta bwosi:
«Me miitsoloho huli baatu ba baakavelesaha me,
Me miimonehele huli baatu ba baakavelefuula me pasi dyambu.»
21Ka uto ti mu bisu Isereli, nde aleeli:
«Bilumbu byosi, me ndi mu unzala myoho mya me,
mu uyaka baatu ba nga kene,
na batumbihi#10.18-21 v. 18: Mkg 19.5 v.19: Pfu 32.21 v. 20-21: Esa 65.1-2..»
Currently Selected:
Looma 10: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Looma 10
10
1Baana ba ngu, me ndi mu utsaha mu mutima a me woosi, na li me umbaapondo tangu yoosi mu masambulu ma me, ni ti bisu Isereli bayoboho. 2Na me umbaatiila bo imbangi mo hinihi: Bo bali na lehemene li linene mu Nzambi, ka lehemene la bo a laayaluha mu nzabili ve. 3Ni mu buuna, bo a baatsikaha buni Nzambi ubaasa ti baatu baba ba butsiitsa ŋa busu bwa nde ve. Na bo ubaasaha ma bo mwakulu manzila ma uba butsiitsa. Ni buuna, bo a baasiingala nzila yi Nzambi hasalila mu ubita baatu mu uba ba butsiitsa ve. 4Mu toni ati, Kristo ni kaluha Mikele mya Moose, mana boosi ba nga imiinu mu Yisu, baba ba butsiitsa ŋa busu bwa Nzambi.
Boosi ba buuteele Pfumu sa bayoboho
5Moose asonihi bunuubu, mu toni butsiitsa bu bubaamata mu Mikele: «Muutu wu li mu usalila bu huli matumili ma Mikele, sa aba monyi mu mo#Lev 18.5 .» 6Ka mono buni butsiitsa bu bubaamata mu imiinu buli mu uleele: «A haleele hutso mutima a we: Na uvata hu yulu#Pfu 30.12 ?» Mbindulili ni ti: mu usutasa Kristo. 7A haleele kaka ve: «Na ukulamana nate hutso a mbeenge ya doheselee#10.7 mbeenge ya doheselee Mbeenge yi baavele mono hu yaasuka.» (mbindulili ni ti: mu upalisa Kristo ŋa hati la babaakwa). 8Nde buni ali mu uleele? Bunuubu: «dyambu labaambana na we, mu munywa na mu mutima a we#Pfu 9.4; 30.12-14» (mbindulili ni ti: liina ni dyambu li imiinu li bisu libaalongese). 9Tso we li mu usilasa buuna mu munywa a we ŋa busu bwa boosi ti Yisu ni Pfumu, na tso we li mu usa imiinu mu mutima a we woosi ti Nzambi asuula nde ŋa hati la ba baakwa, we sa yoboho. 10Mu toni ati, wu ubaasa imiinu mutso mutima a nde Nzambi ukitula nde wa tsiitsa. Wu ubaasilasa mu munywa a nde, Nzambi uyobolo nde. 11Ni mu buuna ma baasonehe ma Ngidi mali mu uleele: «Woosi wu ubaasa imiinu mu nde, a humono tsonyi ve#Esa 28.16 .» 12A huli na lisobosono ŋa hati li Bayudaayo na ba baavele Bayudaayo ve: bo boosi Pfumu mumosi wu ubava busina bwa nde huli boosi ba bubaateele nde. 13Mu toni ati, Mabaasonehe ma Ngidi mali mu uleele: «woosi wu uteele Pfumu mbila, sa ayoboho.»#Yoe 3.5
14Ka buni bo buuteele mbila huli wu bo baavelesa imiinu mu nde? Na buni bo buusa imiinu hwavele uyuha tsangu a nde? Na buni bo buuyuha tsangu a nde hwavele milongisi? 15Buni milongisi myusoloho tso a batsindihi myo ve? We bu Mabaasonehe ma Ngidi mali mu uleele: «Miilu mya bo mili mi mibwe, bo baana ba bali mu uyaabisa misamu mi mibwe#Esa 52.7!» 16Ka boosi a baasiingala Musamu wu Mubwe ve. Na mumbihuli Esaya atswamini ufuula: «Pfumu, na asa imiinu mu musamu wu bisu lili mu uyabisa#Esa 53.1?» 17Ni mu buuna, imiinu ubaamata mu mambu ma bubaayuha, na mambu ma bubaayuha ubaamata mu mambu ma Kristo.
Nzambi a hanyasula baatu ba nde ve
18Buuna me ndi mu upfuula: Bayudaayo a baayuhi musamu mo wuuna ve? Eye, bo baayuhi nde! Mu toni ati, Mabaasonehe ma Ngidi mali mu uleele:
«Ndaha a bo yaayuhini mu toto yoosi,
na mambu ma bo baalongisi,
maamiito nate hu tsi yaasuka.»
19Me ndi mu umbwepfuula: baatu ba Isereli kini a baatsikaha ve? Moose aba ni muutu wa tsomi mu ufutala mvutu:
«Me utsa ti benu liba na likwabi
mu ibandu hi bangooyi, huleeli Nzambi,
me utsimbalala kesi a benu mu baatu ba baavele na buyedi.»
20Esaya aleeli na butuuta bwosi:
«Me miitsoloho huli baatu ba baakavelesaha me,
Me miimonehele huli baatu ba baakavelefuula me pasi dyambu.»
21Ka uto ti mu bisu Isereli, nde aleeli:
«Bilumbu byosi, me ndi mu unzala myoho mya me,
mu uyaka baatu ba nga kene,
na batumbihi#10.18-21 v. 18: Mkg 19.5 v.19: Pfu 32.21 v. 20-21: Esa 65.1-2..»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.